"Vrasja" e Doshit, pranohen si dëshmitarë Rama, Meta e Berisha
TIRANE - Pas fushatës zgjedhore, Presidenti i zgjedhur, Ilir Meta, Kryeministri Edi Rama, ish- kryeministri Sali Berisha dhe ish- ministri i Brendshëm, Saimir Tahiri, do të thirren për të dëshmuar në Gjykatën e Lartë. Ata dhe 49 të tjerë do t'u përgjigjen pyetjeve të Prokurorisë dhe të avokatëve në procesin gjyqësor ndaj deputetit Tom Doshi, ish- deputetit Mark Frroku dhe Durim Bamit, të akuzuar për "kallëzim të rremë". Përmes një vendimi të ndërmjetëm, të shpallur dje, Kolegji Penal i çështjes pranoi kërkesën e Prokurorisë për pyetjen e 53 personave, mes të cilëve edhe emrat "VIP" të politikanëve dhe biznesmenëve. Kolegji refuzoi DËSHMITARË kërkoi Prokuroria e Përgjithshme të pyeten në procesin gjyqësor ndaj Tom Doshit, Mark Frrokut e Durim Bamit, listë emrash që u kërkua edhe nga avokatët mbrojtës të të pandehurve dhe që u miratua me vendim të ndërmjetëm nga Kolegji Penal vetëm kërkesën e bërë nga mbrojtja për pyetjen si dëshmitar të Prokurorit të Përgjithshëm, Adriatik Llalla, me argumentin se ai ka kryer veprime gjatë hetimit, duke urdhëruar ndalimin e Doshit dhe Frrokut. Kështu, si dëshmitarë pritet të thirren ndër të tjerë edhe deputetët Edi Paloka, Spartak Braho, Petrit Vasili e Mhill Fufi, ish- zyrtarët e lartë të Policisë Artan Didi, Ardian Çipa e Agron Kuliçaj, si dhe biznesmenët Leonard Koka, Rasim Shira, Fation Skënderi e Ymer Lala. Duke iu referuar fushatës zgjedhore, faktit të përfshirjes së dëshmitarëve deputetë në të dhe për ekonomi gjyqësore, përfaqësuesi i Prokurorisë së Përgjiths- hme, Adnand Xholi, i tha Gjykatës se nuk do ta niste marrjen e provave nga pyetja e dëshmitarëve. Sipas prokurorit, fillimisht do të paraqiten provat shkresore, ndërsa dëshmitarët do të thirren në një fazë të mëvonshme. Në vendimin e djeshëm, Kolegji Penal pranoi kërkesën e Prokurorisë për pyetjen e të pan- dehurve gjatë gjykimit, nëse ata japin pëlqim. Gjykata nuk u shpreh për kërkesën e bërë nga mbrojtja për një ballafaqim mes Tom Doshit respektivisht me Saimir Tahirin, Artan Didin dhe Ardian Çipën. "Gjykata rezervon të drejtën për t'u shprehur në lidhje me këtë kërkesë në një moment të mëvonshëm, pasi këta persona të jenë pyetur si dëshmitarë", relatoi dje kryesuesja Evelina Qirjako. Kolegji Penal rezervoi të drejtën për t'u shprehur në lidhje me kërkesën e mbrojtjes për kërkimin me anë të letërporosive të disa pamjeve filmike të kamerave të sigurisë në aeroportin e Hanoverit, në Gjermani. Gjykata pranoi kërkesën për paraqitjen si provë të përgjimit ambiental mes Tom Doshit e Durim Bamit të bërë në Prokurorinë për Krimet e Rënda. ar. ba