Fushata, zv. Kryeministrja kundër Kryeministrit

Mandija: Kufizime për administratën edhe jashtë orarit zyrtar

Zëvendëskryeministrja Ledina Mandija ka prezantuar dje drejtorin e ri të Agjencisë së Zhvillimit Bujqësor dhe Rural, Fadil Shahini. Ky i fundit është emëruar në këtë detyrë në kuadër të marrëveshjes Rama- Basha, duke hequr nga kjo detyrë ish- funksionaren e LSI- së, Suela Popa. Dje Mandia u shpreh se ky institucion por edhe institucionet e tjera nuk duhet të nisin asnjë prokurim publik, koncesion apo partneriteti privat a publik, deri në përfundim të fushatës elektorale. Po ashtu dhe zëvendëskryeministrja ka sqaruar punonjësit e administratës që të mos marrin pjesë në aktivitetet elektorale gjatë orarit të punës, por kufizimet do të jenë dhe jashtë orarit. Ndryshe nga Kryeministri Rama i cili ka deklaruar publikisht se punonjësit e administratës jashtë orarit zyrtarë mund të bëjnë ç’të duan dhe të angazhohen me fushatë. dje Zv. kryeministrja Ledina Mandija ka dal kundër tij. Ajo ka theksuar se drejtuesit dhe pjesëtarët e administratës publike nuk lejohet që të mos shprehin publikisht bindjet politike dhe të mos mbajnë fjalime në aktivitete apo të mbajnë parulla apo pankarta politike. “Znj. Mandija cilësoi mosfillimin e asnjë prokurimi publik, koncesion apo partneritet publik– privat deri në përfundim të fushatës zgjedhore, si dhe u bëri thirrje punonjësve të atij institucioni të mos angazhohen në aktivitete elektorale gjatë orarit të punës dhe që pas orarit të punës të respektojnë kufizimet e përcaktuara nga kuadri ligjor në fuqi, për të mos shprehur publikisht bindjet dhe preferencat e tyre politike duke ndërmarrë veprime që konsistojnë në bërjen fushatë për një subjekt politik/ zgjedhor apo kandidat, qenien protag- onist në aktivitete/ veprimtari politike ose manifestimin me pankarta, parulla apo çdo mjet tjetër të shkruar dhe të ekspozuar publikisht”, thuhet në njoftimin e zv. kryeministres.

SHKARKIMET Dje, ministrja e Arsimit Mirela Karabina ka shkarkuar nga detyra katër funksionarë, të cilët janë kallëzuar penalisht në Prokurori. “Në përputhje me procedurat, Ministria e Arsimit dhe Sportit ka depozituar sot, më datë 07.06.2017, pranë organit të Prokurorisë të Rrethit Gjyqë-