SHKELET AFATI PËR KOMISIONERËT
Mosdhënia e lejeve për punonjësit e administratës, të cilët janë pjesë e Komisioneve Zonale të Administrimit të Zgjedhjeve, po pengon punën e KQZ- së për trajnimin e tyre në procesin zgjedhor të 25 qershorit.
Për këtë problematikë të krijuar nga Taks- Forca që po monitoron përdorimin e administratës publike në fushatë, dje kryetari i KQZ Klement Zguri i ka dërguar një letër Kryeministrisë, të gjitha ministrive, bashkive dhe prefekturave në lidhje me lejet e nëpunësve që janë angazhuar në procesin e administrimit të zgjedhjeve. Zguri ka kërkuar që t’u jepet leje dhe të mos u krijohen pengesa punonjësve të administratës të cilët janë pjesë e procesit të administrimit të zgjedhjeve. “Komisioni Qendror i Zgjedhjeve ngre shqetësimin për pengesat që po i shkaktohen komisionarëve zgjedhorë, të cilët janë në marrëdhënie pune. Pranë KQZ janë dorëzuar shqetësime lidhur me vonesat në dhënien e lejeve për nëpunësit e emëruar si komisionerë zgjedhorë me vendim të KQZ- së. Vonesat e përgjigjeve, mosdhënia e lejeve për të ushtruar funksionin e komisionarit zgjedhor sipas përcaktimeve të pikës 5 të KQZ ka deklaruar dje se partitë politike kanë shkelur afatet ligjore për trajtimin e komisionerëve të qendrave të votimit. “Afati përfundimtar brenda të cilit duhej të ishin emëruar të gjithë KQV ka qenë data 5 qershor. Sot jemi 12 ditë para datës së zgjedhjeve dhe janë emëruar më pak se 50% e komisionerëve të QV”, tha dje Drilona Hoxhaj. VKM nr. 473, datë 1.06.2017, po pengon administrimin e procesit zgjedhor. Komisionerët, të cilët nuk kanë marrë leje nga institucionet përkatëse, nuk po paraqiten në detyrë për këtë shkak, KZAZ nuk po respektojnë orarin e punës të përcaktuar me udhëzimin e KQZ. Po pengohen të kryejnë veprimtarinë e tyre për administrimin e procesit në Zonën e Administrimit Zgjedhor”, thuhet në letrën e Zgurit. PROBLEMATIKAT Sipas kreut të KQZ, afatet në dispozicion janë të ngushta dhe vonesat në trajnimin e komisionerëve rrezikojnë procesin zgjedhor. “Nëse kjo situatë problematike e krijuar vetëm me 720 komisionerët e KZAZve, vijon edhe për rreth 37 mijë komisionerët e KQZve dhe GNV- ve, rrezikohet organizimi dhe administrimi i procesit zgjedhor i datës 25 qershor 2017. KQZ kërkon përgjegjshmëri nga të gjithë drejtuesit e administratës publike, në nivel qendror apo lokal, që të reagojnë menjëherë, dhe të mos krijojnë pengesa burokratike në zbatimin të VKM nr. 473, datë 1.06.2017”, thuhet në letrën e Zgurit.
Ministrja e Arsimit ka pezulluar Sekretarin e Përgjithshëm të MAS, Plarent Ndrecën. Ndaj këtij të fundit është bërë kallëzim penal për goditje për shkak të detyrës nga Gjykata e Shkallës së Parë Krujë. Ndreca ka qenë i pranishëm në shkollën “Shote Galica” në Krujë ku po bëhej provimi i Maturës Shtetërore. Ai akuzohet se ka cenuar besueshmërinë e procesit. Ndërsa Ministria e Mirëqenies Sociale ka vendosur pezullimin e Sekretares së Përgjithshme të këtij dikasteri, Luneda Sufali, për shkelje dhe pengim të punës së ministrit. Po dje, ministrja Xhuljeta Kërtusha ka urdhëruar dje shkarkimin nga detyra të katër funksionarëve të shërbimit të punësimit. “Është informuar Prokuroria e Rrethit Gjyqësor Tiranë mbi përfshirjen në fushatë të znj. Marisa Kaçori, me funksion drejtor në Drejtorinë Rajonale të Shërbimit Kombëtar të Punësimit, Tiranë. Po kështu, me anë të një shkrese të posaçme është informuar Prokuroria e Rrethit Gjyqësor Elbasan mbi përfshirjen në fushatë të z. Ervis Xhelo me funksion Drejtor i Drejtorisë Rajonale të Sigurimeve Shoqërore, Elbasan. Prokuroria e Rrethit Gjyqësor Kukës është informuar mbi përfshirjen në fushatë të z. Gent Halili, me funksion drejtor në Drejtorinë Rajonale të Shërbimit Kombëtar të Punësimit, Kukës. Gjithashtu Prokuroria e Rrethit Gjyqësor Korçë është informuar mbi përfshirjen në fushatë të znj. Luiza Qipo, me funksion Përgjegjëse e Agjencisë së Sigurimeve Shoqërore, Ersekë”, thuhet në njoftimin e Ministrisë së Mirëqenies.