Çako: Denonconi rastet e blerjes së votës
Kreu i Policisë: Mos hezitoni të tregoni kur ofrohen para
TIRANE - Drejtori i Përgjithshëm i Policisë së Shtetit, Haki Çako, u bëri thirrje dje qytetarëve që të denoncojnë çdo rast kur u ofrohen para në këmbim të votës. I paralajmëroi se Policia e Shtetit do të penalizojë çdo individ që do të identifikohet në aktivitete që lidhen me shitblerjen e votës. Deklarata e Çakos erdhi gjatë prezantimit të grupit të drejtimit për menaxhimin e masave të sigurisë për procesin zgjedhor qershor 2017. “Këtu jemi në qendrën e koordinimit dhe të mbikëqyrjes të masave për procesin zgjedhor të datës 25 qershor për në Kuvendin e Shqipërisë dhe sot gjej rastin të shpalos një sërë masash të Policisë në kuadër të Kodit Zgjedhor, të Kushtetutës dhe të udhëzimit të Kodit Zgjedhor të zgjedhjeve. Masat dhe angazhimi i Policisë ka qenë dhe mbetet i gjithanshëm qoftë i strukturave qendrore, qoftë edhe i strukturave vendore, të cilat në bashkëveprim dhe në bashkërendim të ngushtë me të gjithë operatorët dhe faktorët e tjerë, të cilët menaxhojnë dhe funksionojnë në terren për procesin zgjedhor janë të angazhuar gjatë gjithë kohës”, u shpreh Çako. Nga ana tjetër, zv. ministrja e Brendshme, Rovena Voda, tha se në këto 4 vite Policia është renditur në institucionet e para më të besueshme për qytetarët dhe vazhdon me përkushtim t’i shërbejë mbrojtjes së të drejtave të qytetarëve. Sipas saj, ky përkushtim është shprehur edhe për hartimin e librit të xhepit për detyrat e Policisë në proceset zgjedhore. Grupi i drejtimit ka në krye drejtorin e Përgjithshëm për Sigurinë, Altin Qato, i cili tha se qëllimi i këtij