Gjykata e Lartë lë në fuqi burgun përjetë për Frrokun
Vrasja e Dritan Lamajt, rrëzohet rekursi i biznesmenit
Gjykata e Lartë ka prerë shpresat për pafajësi të biznesmenit Arben Frroku i dënuar me burgim të përjetshëm, me një vendim të formës së prerë, si autor i vrasjes së kryekomisarit Dritan Lamaj.
Kjo gjykatë nuk pranoi rekursin e bërë nga i pandehuri Frroku, duke lënë të pandryshuar dënimin përjetë dhënë nga Apeli i Krimeve të Rënda në 2015. Gati dy vjet pas depozitimit të rekursit të Frrokut për vendimin e Apelit, Gjykata e Lartë ka vlerësuar se çështja nuk duhet të kalonte në shqyrtim. Përmes një vendimi të datës 8 qershor 2017 është vendosur në dhomën e këshillimit për "mospranim rekursi" në lidhje me këtë çështje. Ky vendim lë në fuqi dënimin kapital të dhënë nga Apeli për të pandehurin Frroku. Në ver- diktin e shpallur më 29 qershor 2015, Apeli i Krimeve të Rënda ndryshoi vendimin e Shkallës së Parë, e cila vendosi deklarimin e pafajshëm të biznesmenit. Aktualisht, biznesmeni Frroku ndodhet i arrestuar në Holandë, në pritje të ekstradimit në Shqipëri. Para autoriteteve të drejtësisë holandeze ai pretendoi se pro- cesi gjyqësor ndaj tij në Shqipëri ishte ndikuar nga politika se ishte dënuar me pa të drejtë dhe se në këtë vend rrezikohej nga hakmarrja. Pala holandeze nuk i mori parasysh këto pretendime dhe i dha "dritë jeshile" ekstradimit të tij. Gjatë gjithë hetimit dhe gjykimit, biznesmeni Frroku ka mbajtur qëndrim mohues për ngjarjen. Ai nuk ka pranuar për asnjë çast të ketë lidhje me ekzekutimin e komisarit të policisë Dritan Lamaj. I njëjti qëndrim u pretendua nga mbrojtësit e tij edhe gjatë gjykimit në Apelin për Krimet e Rënda, si edhe në rekursin e paraqitur në Gjykatën e Lartë. VRASJA E KOMISARIT Dritan Lamaj u qëllua me breshëri automatike mbrëmjen e 24 shkurtit 2013, teksa ishte duke nxjerrë nga parkimi automjetin e tij vendin e bashkimit të rrugës "Petro Korçari" dhe "Ibrahim Dervishi" në Tiranë. Hetimi i kryer nga Prokuroria për Krimet e Rënda identifikoi biznesmenin Arben Frroku si autorin e dyshuar të ngjarjes. Gjatë gjykimit, ndër të tjera prova u administrua edhe dëshmia e një dëshmitari të mbrojtur, i njohur me identitetin e ndryshuar Arben Ndoka, i cili pretendoi se kishte njohur biznesmenin Frroku në automjetin nga u qëllua kryekomisari Lamaj. "Është e qartë se pasoja, vrasja e Dritan Lamajt, ësh- të rezultat i drejtpërdrejtë i veprimeve të drejtuesit të automjetit Arben Frroku, e kështu veprimet e këtij të fundit në lidhje shkakësore me pasojën e vrasjes së policit Dritan Lamaj", thuhej në vendimin Apelit, i cili dha burg përjetë për Frrokun. Kolegji i Apelit shprehej se nga provat e paraqitura në gjykim rezultonte e provuar se veprimet e kryera nga i pandehuri kanë qenë me dashje direkte, sepse ai e ka parashikuar pasojën, vdekjen epo humbjen e funksioneve jetësore të policit, e veprimeve të tij kriminale, qitjes me armë zjarri automatike mbi viktimën, duke dëshiruar ardhjen e tyre.