NENKOMISARI
Dyshohet se 32- vjeçari ka dekonspiruar disa operacione policore
Pas dyshimeve se ka bashkëpunuar në disa raste me trafikantë droge dhe kultivues të bimëve narkotike, vihet në pranga një nënkomisar në Komisariatin e Policisë në Delvinë.
Shërbimi për Çështjet e Brendshme dhe Ankesat në Ministrinë e Brendshme bën të ditur se arrestimi i Shpëtim Kripës erdhi pasi u mbajt në përgjim pas dyshimeve se shpërdoronte detyrën. SHÇBA kishte dyshime se 32vjeçari Kripa informonte kultivues dhe trafikues droge mbi operacionet e Policisë dhe për këtë arsye, në bashkëpunim me Prokurorinë e Rrethit Gjyqësor Sarandë, me anë të përgjimit u bë i mundur faktimi i dyshimeve. 32vjeçari Shpëtim Kripa, me detyrë specialist për Hetimin e Krimeve në Komisariatin e Policisë së Delvinës, dyshohet se në disa raste ka bashkëpunuar me shtetas të dyshuar për veprat penale të kultivimit, magazinimit dhe trafikimit të lëndëve narkotike në zonën e Sarandës dhe Delvinës. Gjithashtu, Kripa dyshohet se u jepte këtyre per- Shpëtim Kripa, 32 vjeç mban aktualisht detyrën e specialistit për Hetimin e Krimeve në Komisariatin e Delvinës. Më parë ka punuar si specialist në Sektorin Kundër Narkotikëve në Drejtorinë e Policisë së Qarkut të Gjirokastrës. sonave informacion mbi veprimet policore që kryheshin në kuadër të luftës kundër lëndëve narkotike, duke bërë të mundur kështu që trafikantët dhe kultivuesit të shmangnin arrestimin nga ana e forcave të Policisë. Shërbimi për Çështjet e Brendshme dhe Ankesat në Ministrinë e Brendshme, nga ana tjetër, shton se vazhdojnë hetimet për të zbuluar nëse ka punonjës të tjerë të Komisariatit të Policisë në Delvinë të përfshirë në këtë aktivitet. Në vitin 2012, Kripa punonte si oficer antidroge në Gjirokastër. Pas një operacio- ni në Lazarat, për kapjen e një sasie të konsiderueshme lëndë narkotike në dalje të Lazaratit, trafikantët i vunë flakën makinës së Kripës, i cili ishte dhe drejtuesi i operacionit. Gjatë operacionit u sekuestruan 196 kg marijuanë. Operacioni u krye në mesnatë, ndërsa disa orë më pas në lagjen “18 Shtatori” në Gjirokastër mori flakë në pjesën e pasme automjeti tip “BMW”, me targa AA 571 CV, në pronësi të Shpëtim Kripës, një prej specialistëve të Sektorit Kundër Narkotikëve në Drejtorinë e Policisë së Qarkut të Gjirokastrës.