Sot ndeshja, De Biazi: Fiton Shqipëria 3- 0

Xhani De Biazi është kthyer dje përsëri afër Kombëtare shqiptare të futbollit, duke vizituar kuqezinjtë para stërvitjes së pasdites. Për "SuperSport", ai ka treguar edhe ndjesinë e kësaj vizite të parë që pas largimit nga stoli kuqezi, si dhe çfarë pret tani nga Kombëtarja nën drejtimin e Panuçit.

NDJESIA E TAKIMIT...

"Pak e çuditshme, një ndjesi pak e veçantë. Më pëlqeu të vija këtu t'u uroja fat, t'u thosha që jeta vazhdon, që është mundësia të përmirësohet më tej atë që është bërë deri këtu. Uroj që me Kristianin të paraqiten mirë se janë në rrugën e duhur. Është një skuadër, e cila po rinohet me afrimet e fundit, pastaj mund të kompletohet, se janë shumë lojtarë që mund të rikuperohen.

ÇFARË DUHET TË NDRYSHOJË...

"E rëndësishme është që të qëndrojnë të përqendruar, me kokën në fushë, që të mos çojmë këmbët nga toka. Të mundohemi të çuditim, duke dhënë 100% në fushë. Kristianit nuk i dhashë shumë këshilla, është një person me shumë ek- speriencë, ka qenë edhe me Kapelon. Mendoj se ka nevojë të jetë i qetë, të bashkëpunoje me të gjithë. Uroj të shkojë sa më larg. E rëndësishme është të shohë këto 4 ndeshje për Euro 2020.

Mendoj se fitojmë 3- 0, shpresoj kështu. Në Maqedoni është më e vështirë. Cikalleshi? Unë Sokolin e di që është djalë i jashtëzakonshëm. Sipas meje, Kristiani ka marrë një vendim se duhet të kuptohet që Kombëtarja është e jashtëzakonshme. Sokoli është djalë flori dhe Kristian nuk është budalla", deklaroi trajneri.