REAGON LAME E ZEQO
Mbulimi i Skënderbeut për Bajram, kërcënohet Myftiu
E vërteta e mbulimit të monumentit të Skënderbeut gjatë faljes së Bajramit. Myftiu: Jo e qëllimtë, si më kërcënuan. Lame: Po kthehet në çështje religjioze
Fotoja polemike, simbol i ditës së djeshme, ka ngjallur reagime të shumta nga figura të artit e kulturës në vend. E ashpër ka qenë në retorikën e saj shkrimtarja Flutura Açka, e cila e cilëson Skënderbeun kurban që i paraprin shkatërrimit të atdheut. I hidhëruar rëndë duket edhe shkrimtari dhe arkeologu Moikom Zeqo, i cili në reagimin e tij me anë të pyetjeve retorike kërkon zgjimin e vetëdijes kombëtare. Ndërsa për ekspertin e trashëgimisë kulturore, Paulin Zefi, akti i djeshëm është ulje e dinjitetit kombëtar dhe ideatorët e tij duhen penalizuar rëndë.
FLUTURA AÇKA Në Europë duket se po e çojnë Skënderbeun, thotë kjo e shkruara e makinës këtu. Kurban atëherë u bë për Europën, kurban edhe sot për hipokritët që nuk u ngopën. Dje kurban një grua, sot Skënderbeu, nesër Atdheu…
MOIKOM ZEQO Miqtë e mi shqiptarë. Si mundet vallë që të mbulohet skulptura madhështore e Skënderbeut ditën e një feste fetare? Si mundet, si mundet... zgjohu nga gjumi vetëdije e kombit shqiptar. E pabe- sueshme, por e vërtetë. Kujt vallë i vjen turp dhe është alergjik nga figura semantike dhe mbarëkombëtare e Skënderbeut?!
PAULIN Z. ZEFI Sikur e gjithë bota po të ngrihet në këmbë kundër nesh, ata kurrë nuk munden që të na ulin kaq poshtë sa neve po e ulim veten tonë!!! Imazhi i hyjnorit GJERGJ KASTRIOTI- SKENDERBEU qëndron mbi çdo figurë tjetër historike duke nisur nga Jezu-Krishti ( Hebre) apo Profeti Muhamed ( Arab), more kafshë të egra antiShqiptare që akoma jetoni në gjirin tonë! * Në vend që të vijojmë të festojmë duke bashkëndarë familjarisht dhe vëllazërisht sipas traditës sonë të shkëlqyer ( unike në botë), juve na e prishni gjakun me të tilla akte që meritojnë revoltë mbarë- Kombëtare duke nisur nga vetë Vëllezërit tanë të dashtun të Besimit- Islam!... Të gjithë ideatorët, aktorët dhe faktorët që kanë shkaktuar këtë "SUPER- SKANDAL" duhen tërhequr zvarrë nëpër rrugët e kryeqytetit tonë "Teheran"!...