Berisha: Visho Ajazi u largua prej Saimir Tahirit
“Në vend që të qërohet Haki droga, ikën kreu i SHISH”
Ish- kryeministri Sali Berisha është i bindur se arsyet për të cilat kreu i SHISH- it, Visho Ajazi, dha dorëheqjen ishte zbulimi i përfshirjes së ish- ministrit Tahiri në trafikun ndërkombëtar të drogës. Gjatë fjalës së tij në Parlament, Berisha deklaroi se zyrtari që duhej të largohej pas skandalit me kanabizimin e vendit duhej të ishte drejtori i Përgjithshëm i Policisë së Shtetit, Haki Çako, dhe jo kreu i SHISH- it, Visho Ajazi. “Në kulmin e krizës, në një kohë kur çështja e kanabisit u ndërkombëtarizua në mbarë botën, në një kohë kur shqiptarët dhe bota mori gjithë dokumentacionin e Antimafies italiane, se trafiqet në Shqipëri i drejtonte vetë ministri i antitrafikut, pra Saimir Tahiri, në një kohë kur në ekzekutivin shqiptar kishte vetëm një zë të fuqishëm kundër kanabisit, trafiqeve dhe krimit të organizuar, dhe ky ishte Shërbimi Informativ Kombëtar, në vend se të qërohet Haki droga, largohet nga detyra shefi i SHISH për fajin e vetëm sepse në zbatim të ligjit dhe të Kushtetutës, i raportoi me dhjetëra dhe qindra herë kryetarit të shtetit, por dhe vetë Noriegës për narkosh- tetin dhe zhvillimin e tij në Shqipëri. Kjo lëvizje inekstremis përbën revanshin më të fuqishëm të narkoshtetit dhe krimit të organizuar”, deklaroi Berisha. Ishkryeministri u bëri thirrje shqiptarëve të shpëtojnë vendin e tyre përmes një revolucioni popullor. Berisha paralajmëroi Kryeministrin Rama se do të ketë fatin e mikut të tij, ish- kryeministrit rumun, Viktor Ponta, që përfundoi në birucat e Rumanisë. “Noriega, për të fshehur krimin e tij monstruoz ndaj shqiptarëve, shndërrimin e Shqipërisë në një narkoshtet, bllokimin nga ky narkoshtet, për herë të parë në historinë e pluralizmit, të drejtësisë, një javë më parë, me urdhër të tij, shfaqi tmerrin që i ka hyrë deri në palcë se mos e ndjek fati i Viktor Pontes, mikut të tij të ngushtë, që përfundoi për 1/ 100 e vjedhjeve dhe abuzimeve në birucë nga drejtësia rumune”, tha Berisha. Replikën me ish- kryeministrin e bëri kreu i Grupit Parlamentar të PS, Taulant Balla. Për kreun e Grupit të PS, Berisha përmend emrin e Viktor Pontes për shkak të baltës së tyre brenda Shqipërisë. “Sali nuk të kam kthyer kurrë përgjigje për ish- kryeministrin rumun, Viktor Ponta, të cilin fati e ka bërë të jetë miku im i shkollës, fati e ka bërë që të ishte kryeministër i Rumanisë për një kohë të gjatë. Ishte i vetmi kryeministër i Rumanisë që vendosi të njihte Kosovën. Ka ardhur dhe në Tiranë, ka bërë të njëjtën gjë dhe në Bukuresht, ka bërë të njëjtën gjë me Presidentin e Kosovës, Hashim Thaçi, e ka bërë me të gjitha autoritetet kosovare”, deklaroi Balla. Kreu i Grupit Parlamentar të PS i ka bërë thirrje Berishës të heqë dorë nga sulmet personale, të cilat nuk e nderojnë Shqipërinë në arenën ndërkombëtare.