Koncesionet mbi 100 milionë euro, qeveria shkurton afatet
Ministria: Procedurat që zgjasin 2 vjet, largojnë investitorët
Qeveria shkurton procedurat e dhënies së koncesioneve në energjetike me vlerë mbi 100 milionë euro.
Ndryshimet e ligjit të koncesioneve u miratuan në mbledhjen e fundit të Këshillit të Ministrave, dhe tashmë i janë dërguar për shqyrtim Parlamentit. Kështu, bëhet fjalë të lehtësohen procedurat për koncesionet me ndërtim hidrocentrale dhe termocentrale nëse investimi është më shumë se 100 milionë euro, me qëllim që investitorët të mos largohen. Nëse për koncesionet që konsiderohen klasike, miratimi i tyre do të vazhdojë të bëhet konform ligjit të koncesioneve në fuqi, për koncesionet në energjetikë me vlerë mbi 100 milionë euro, do të jetë qeveria që rast pas rasti do të miratojë me vendim vetëm procedurat e dhënies që do të jenë lehtësuese. Parashikohet që afatet e reja të shkurtohen deri në 1 vit.
PROBLEMATIKA Relacioni që shoqëron projektligjin qartëson se Ministria e Energjetikës kërkon ndryshime në ligjin e koncesioneve, për shkak të zgjatjeve deri në 2 vjet të procedurave, të cilat në shumë raste kanë larguar investitorët. “Tejzgjatja e procedurave koncesionare, për më shumë se dy vjet ( në rastet e ankimimeve administrative, të cilat kanë vijuar më tej në gjykatë, ku shpeshherë kjo e fundit ka qenë në disfavor të fituesve të procedurave të tenderit), ka krijuar një klimë pasigurie tek investitorët seriozë strategjikë. Nisur nga praktika e deritanishme, shumë investitorë që kanë pasur interes për të investuar në sektorin elektroenergjetik, janë tërhequr pas konstatimit se kuadri ynë ligjor për koncesionet dhe PPP kërkon një kohë të gjatë prej më shumë se dy vjetësh për finalizimin e kontratës koncesionare”, thuhet në relacion.
EFEKTET Qeveria garanton se reduktimi i procedurave do të ulë kostot e buxhetit për energji. “Në optikën e zhvillimeve të fundit në sektorin energjetik shqiptar, ku kërkesa në rritje për konsum të energjisë ndeshet me pamjaftueshmërinë e plotësimit të saj nga prodhimi vendas, rritjen e ngarkesës energjetike, e cila nuk shoqërohet me rritjen analoge të kapacitetit të prodhimit të energjisë elektrike, del si domosdoshmëri ndërtimi i objekteve të reja gjeneruese”, thuhet në relacion. Ministria e Energjetikës parashikon që ndryshimet të sjellin kompani ndërkombëtare dhe rritje të ekonomisë. “Në këtë projekt-
Për 2018- n qeveria parashikon edhe 8 kontrata të reja me vlerë 156.717.120.000 lekë apo 1.5 miliardë dollarë. Referuar relacionit të projektbuxhetit të ardhshëm, konkretisht kontratat e reja të përfshira në projektin “1 miliard euro investime”, do të fokusohen në sektorin e arsimit, shëndetësisë dhe për rrugët. Për arsimin do të investohet nëpërmjet Partneritetit Publik Privat ndërtimi i shkollave të arsimit parauniversitar në Tiranë. Vlera e kontratës koncesionare do të jetë 6.4 miliardë lekë. Në shëndetësi ndërtimi i spitalit rajonal të Fierit do të ketë një kosto prej 9.4 miliardë lekësh. Faturën kryesore do ta zënë investimet për rrugët. Në total janë 6 projekte me vlerë 140 miliardë lekë apo 1.4 miliardë dollarë. Me koncesion do të ndërtohet Rruga e Arbrit, Tiranë- Thumanë- Vorë, Kardhiq- Delvinë, Kashar– Rrogozhinë, Milot– Balldren dhe Orikum– Himarë. propozim del në mënyrë të qartë reduktimi i procedurave për dhënien e një Partneriteti Publik Privat dhe për këtë shkak pritet rritja e interesimit të kompanive të huaja me reputacion ndërkombëtar për lidhjen e marrëveshjeve të reja të koncesionit. Ky përjashtim do të mundësojë thithjen e investimeve strategjike të huaja dhe atyre vendase, duke synuar përshpejtimin e realizimit të projekteve elektroenergjetike dhe duke krijuar në të njëjtën kohë edhe kushtet për përmirësimin e situatës ekonomike të vendit”, thuhet në relacionin e qeverisë.