SI DO APLIKOHET
Pronat me ligjin 7501, shtyhet afati për tapitë
Zbardhet projektligji për zgjatjen e afatit të aplikimit për tapitë me ligjin 7501. Dokumentet që duhet të dorëzohen në Bashki e pr ocedura në Hipotekë
Fundmuaji korrik i vitit që vjen do të jetë afati i fundit për pajisjen me tapi të fermerëve që kanë në përdorim toka bujqësore të ndara me ligjin 7501.
Qeveria ka paralajmëruar se nuk tutet më nga kjo rivendosje në kohë, duke u bërë të qartë familjeve që nuk janë pajisur ende me certifikatën e pronësisë ta marrin seriozisht këtë proces për ta përmbyllur brenda afateve. Projektligji “Për shqyrtimin e vlefshmërisë ligjore të krijimit të titujve të pronësisë mbi tokën bujqësore”, ka marrë aprovimin e Këshillit të Ministrave vetëm pak ditë pas deklaratës së bërë nga ministri i Bujqësisë, Niko Peleshi. “Afati i plotësimit të AMTP- ve përfundon në datën 31 korrik 2018”, thuhet në nenin 1 të draftit, për të cilën është propozuar që të kalojë për shqyrtim dhe miratim me procedurë të përshpejtuar. Nisma ligjore vjen në një kohë kur procesi ka mbërritur në një pikë kritike. Numri i lartë i familjeve që nuk janë trajtuar nga njëra anë dhe ezaurimi i afatit në anën tjetër kanë diktuar Qeverinë që të ofrojë mundësinë e radhës, të cilën Peleshi nuk ngurroi të thoshte se do të ishte e fundit. Zhvendosja e afatit edhe me disa muaj të tjerë mund të shfrytëzohet nga familjet, të cilat kanë në përdorim toka bujqësore t’i regjistrojnë ato në emrin e tyre.
APLIKIMET Veç atyre që nuk janë të pajisur me Aktin e Pronësisë, në skemë janë edhe ata të cilët, pavarësisht se janë të pajisur me këtë dokument, nuk e kanë bërë ende regjistrimin e pronës në Hipotekë. Në të dyja rastet, qytetari duhet të paraqitet pranë bashkisë. Sa i takon dokumentacionit që duhet të dorëzohet, përveç kërkesës për pajisjen me aktin e përdorimit nga komi- sionet e ndarjes së tokës ( për ata që ende nuk e kanë), kërkohet edhe planvendosja e secilës ngastër që kanë në përdorim, certifikatë familjare, të lëshuar nga zyra e gjendjes civile e bashkisë, ku të pasqyrohet numri i anëtarëve të familjes përfituese, në favor të së cilës do të lëshohet akti i marrjes së tokës në pronësi, sipas gjendjes më 1 gusht 1991, si edhe dokumentacionin që vërteton se janë përfitues, si rezultat i lëvizjes nga qendrat e tyre të banimit, me vendime të veçanta të Këshillit të Ministrave. REGJISTRIMI NË
HIPOTEKË Vetëm 60 ditë do t’i du- hen një fermeri të presë për t’u pajisur me tapinë e tokës që ka në përdorim. Shkurtimi i afateve do të shoqërohet edhe me thjeshtim të procedurave të aplikimit për marrjen e certifikatës së pronësisë. Vlen të thuhet se procesi nuk do të ketë kosto për fermerët. E vetmja faturë që do të rëndojë mbi ta do të jetë ajo që vilet nga Hipoteka gjatë regjistrimit të pronës. Me ndarjen e re administrative, bashkitë ngarkohen me detyrën për të lëshuar aktin e marrjes së tokës në përdorim dhe më pas dërgimin e të gjithë dokumentacionit pranë Zyrës së Regjistrimit të Pasurive të Paluajtshme, ku edhe ndodhet pasuria. Kur certi-
TOKAT QË U KTHEHEN PRONARËVE
Nuk janë të pakta rastet kur Komisionet për Verifikimin e Titujve të Pronësisë që janë ngritur në çdo prefekturë, kanë konstatuar sipërfaqe toke të ndara abuzivisht dhe në kundërshtim të plotë me ligjin 7501. Këto sipërfaqe të identifikuara do të kalojnë në fondin e tokës shtetërore dhe do të vendosen në dispozicion për kompensimin e pronarëve të shpronësuar nga regjimi komunist. Por përpara se kjo të ndodhë, duhet që gjykata, si institucioni që ka tagrin që të shfuqizojë aktin e marrjes së tokës në përdorim, të ketë thënë fjalën e saj. Veç kësaj sipërfaqeje, edhe të ardhurat që do të arkëtohen nga masat administrative që janë ndërmarrë për familjet që e kanë shitur pronën, do të shkojnë gjithashtu për skemën e kompensimit të ish- pronarëve. fikata e pronësisë është gati, njësia administrative njofton fermerin që duhet të paraqitet pranë ZVRPP për ta tërhequr atë. Ministri i Bujqësisë ka sqaruar më herët praktikën e re që do të ndiqet, e cila, sipas tij, do të mbulohet nga agjencia e re që do të krijohet. “Do të krijojmë Agjencinë e Titujve të Pronësisë, e cila nuk do të presë më fermerin që të paraqitet për të regjistruar Aktin e Marrjes së Tokës në Pronësi ( AMTP- së), por do të jetë agjencia që do të bëjë një regjistrim të përgjithshëm të titujve përmes një praktike të re pune, duke qenë se të gjitha institucionet që kanë pasur në ngarkim çështje të pronësisë do të jenë nën një çati”.