Sanduiç dhe batuta në Komision, si kaluan 7 orë diskutime për buxhetin
Mungesën e përfaqësuesve të PD në Komisionin e Ligjeve, e shfrytëzoi ish- kryeministri Bashkim Fino, i cili, edhe në cilësinë e relatorit, bëri opozitarin me përfaqësuesit e institucioneve që kërkuan rritjen në buxhet për vitin 2018. Shpeshherë Fino kërkoi nga institucionet që të mos kërkonin rritje buxhetore pasi vitet e fundit, kanë marrë vazhdimisht fonde dhe shtime të numrit të punonjësve. Zv. ministrja e Brendshme, Rovena Voda, nuk kërkoi rritje të konsiderueshme në buxhetin e vitit 2018 për ministrinë e saj. Por ky fakt u “përdor” nga deputeti i PS, Bashkim Fino, i cili duke qenë dëshmitar i një përqafimi mes Vodës dhe Sekretares së Përgjithshme të Financave, aludoi se buxheti ishte dakordësuar më parë mes dy institu- cioneve. “Unë nuk jam i lodhur, por kur pashë që puthe këtë të Ministrisë së Financave, edhe thashë kjo është në rregull, e kanë mbyllur bashkë këto, nuk do fla- sin shumë gjatë”, tha me humor Fino. Diskutimet, që zgjatën për mbi 7 orë në Komisionin e Ligjeve, kanë detyruar deputetët e maxhorancës që drekën ta konsumojnë në ambientet e komisionit. Deputetët e maxhorancës shfrytëzuan një konferencë për shtyp të drejtuesit të Komisionit të Ligjeve, Ulsi Manja, për të porositur në një prej dyqaneve “fast- food” disa sandviçë, të cilët i kanë konsumuar në Kuvend. Fino u bë sërish protagonist, kur gjatë kohës që priste përfaqësuesit e Presidencës në Komision, u kërkoi atyre të mos vonohen, duke i kujtuar që edhe kreu i shtetit po të kishte qenë, do të kishte ardhur në kohë. “Kush është, le të vijë. Futuni, çfarë prisni, edhe Presidenti po të ishte, do të kishte ardhur tani. Hajdeni, se kemi gjithë ditën në mbledhje”, iu drejtua deputeti i PS- së përfaqësueseve të Presidencës.