Ilda Bejleri ndez Instagramin në dimër: Ja pse i dashuri im nuk duhet të jetë futbollist
Gazetarja e sportit, Ilda Bejleri, nuk rresht me pozat e saj provokuese që poston në Instagram, duke ngritur temperaturat në dimër. Mëngjesin e djeshëm ajo ishte e ftuar në emisionin “Wake Up”, ku foli rreth jetës private dhe marrëdhënies me trajnerin e ri të Kombëtares shqiptare, Christian Panuccin. E pyetur nga moderatorët Oriela Nebiaj, Eno Popi e Isli Islami, se si i ka marrëdhëniet me trajnerin italian, Ilda është shprehur: “Është i rreptë, e jo vetëm me mua. Në takimin e parë me të, nuk lejoheshin fotot”, sqaroi ajo. Por si duket gazetarja e “Supersport” ia ka dalë t’ia mbushë mendjen trajnerit të bëjnë një foto së bashku. Më tej Ilda Bejleri, duke folur për relatat brenda dhe jashtë punës me futbollistët, ka zbuluar dhe disa detaje lidhur me karakteristikat që duhet të ketë partneri i saj i jetës, apo i dashuri. “I dashuri nuk duhet të jetë patjetër futbollist. Ka gjëra më të rëndësishme sesa profesioni”, është shprehur Bejleri në “Wake Up”. Ilda Bejleri njihet si gazetarja pa tabu dhe shumë e lirshme në realizimin e spoteve televizive, si imazh i platformës televizive ku punon. “Të jetosh çdo ditë si të jetë Shën Valentin” ishte motoja në spotin publicitar të realizuar në prag të 14 shkurtit këtë vit. Prezantuesja e “Supersport”, e krahasuar me spanjollen Sara Carbonero, preferon të thyejë gjithmonë tabu për të dominuar në ekran, qoftë duke guxuar me spote të tilla televizive, që edhe aktoret që fundja e kanë profesion e mendojnë dy herë, për ta luajtur ose jo një rol të tillë në kinemanë shqiptare. Duke qenë se spoti u transmetua paralelisht me premierën e “Fifty Shades Darker”, nuk munguan komentet e miqve dhe mikeshave të Ildës në rrjetet sociale, të cilët i vendosën pikë Ildës për lojën e skenave erotike me balerinin Kris Dalipi.