Tuna & Patrisi drejt ndarjes 7 muaj pasi u bënë prindër, këngëtarja largohet nga Prishtina

Çifti Tuna Sejdiu dhe Patris Berisha duket se janë duke kaluar një situatë aspak të mirë këto kohë, fiks shtatë muaj pasi u bënë prindër të djalit të tyre, Tian. Pak ditë më parë, “Prive” raportoi se këngëtarja ka fshirë Patrisin nga lista e miqve të saj në “Instagram” dhe e ka hequr gjithashtu edhe nga “Instagrami” i të birit, që ajo e menaxhon vetë. E njëjta gjë nuk ka ndodhur nga ana e Patrisit, çka lë të kuptojmë se ndoshta është thjesht një konflikt i momentit, apo se vendimin për të mos qenë më bashkë e ka marrë vetëm Tuna. Ndërkaq, gjatë ditës së djeshme mediat e Kosovës njoftuan se Tuna tashmë ka lënë edhe Prishtinën ku jetonte me bashkëshortin dhe të birin, dhe është zhvendosur drejt Shkupit, vendlindja e saj. Nuk dihet nëse ky largim lidhet me krizën e përfolur mes dyshes, apo Tuna është larguar për t’i shpëtuar pak përditshmërisë në Kosovë dhe klimës së ftohtë atje. Gjithsesi, fansat janë duke pritur me padurim për ndonjë lajm që lidhet me marrëdhënien e saj me bashkëshortin muzi- kant, që njihet si vëllai i Robert Berishës. “Kriza e shumëpërfolur mes tyre” vjen një vit pasi ata deklaruan historinë e dashurisë për mediat. Lidhja e tyre u bë publike paralelisht me lajmin e shtatzënisë së Tunës, lajm që e konfirmoi Ardit Gjebrea, ndërsa Tuna ishte pjesë e festivalit. Artistja nga Shkupi u shpreh për lidhjen e bukur me instrumentistin e muzikës klasike, Patris Berishën. Po kush ishte Patrisi, djali që zgjodhi Tuna si babanë e fëmijës së saj? Ai është një nga djemtë më seksi të qytetit të Prishtinës, i cili më shumë njihet për fizikun me muskuj, sesa për angazhimin e tij në muzikë klasike. Patrisi është vëllai i burrit të Nora Istrefit, Robert Berishës, dhe është diplomuar për muzikë klasike, profesion që e ushtron aktualisht, pasi merr pjesë në koncerte që mbahen në të gjithë botën. Kjo histori e re e Tunës me të nisi vetëm pak muaj pasi i dha fund një lidhjeje të gjatë dhe të mediatizuar me reperin Cozman. Vetëm pak muaj pas njohjes, Tuna zyrtarizoi lidhjen me Patrisin gjatë një ceremonie të organizuar në Prishtinë.