Nejmar: Brazili rifitoi respektin që meriton
Më mirë se kaq nuk mund të shkonte. Të paktën askush nuk do të akuzojë se në Moskë u përdor metoda e goglave të nxehta, sepse të gjitha kombëtaret e mëdha mund të jenë të kënaqura me kundërshtaret e tyre.
Nuk ka grupe ferri ( ndoshta D- ja duket më i luftuari, Argjentinë, Islandë, Kroaci, Nigeri), rivalë të vështirë në rrugëtimin drejt finales së Kupës së Botës. Ditën e djeshme, 32 skuadrat e kualifikuara mësuan kundërshtarët dhe grupet më interesante ishin ato që vinin përballë Portugalinë me Spanjën, Anglinë me Belgjikën dhe Argjentinën me Kroacinë. Gjermania do të ketë Suedinë dhe Meksikën, ndërsa të zotët e shtëpisë do të kërkojnë kualifikimin ndaj Uruguait, Egjiptit dhe Arabisë Saudite. Pikërisht këta të fundit do të jenë kundërshtarët që së bashku me Rusinë, do shkelmojnë topin e parë të këtij Botërori, në orën 17: 00 të 14 qershorit të vitit 2018.
FAZA FINALE
Por nëse grupet duken të kalueshme si të para në letër, për favoritet, kombëtaret e
Gjermani dhe Brazili janë dy ndër pretendentet kryesore të Botërorit të verës së ardhshme. "Seleçao" ka ditur që të ringrihet nga disfata e rëndë në shtëpi, në vitin 2014, ku u keqtrajtua nga Gjermania dhe u eliminua në shifrat 7- 1, por diçka e tillë nuk do të ndodhë më. Për këtë garanton ylli, sulmuesi dhe kapiteni i Brazilit, Nejmar: "Të gjithë e kishim ëndërruar që Botërori në shtëpinë tonë të kishte shkuar në një mënyrë tjetër, por tashmë e kemi lënë pas atë histori. Ajo disfatë na shkundi të gjithëve dhe tashmë Brazili ka cilësitë dhe lojtarët, me të cilët ka rifituar shpejt respektin që i takon". mëdha duhet të tregohen të kujdesshme në përllogaritjet e tyre në fazën në grupe, pasi mund të vihen kundër njëra- tjetrës, duke nisur që nga faza e 1/ 8- ave. Që në turin e parë eliminator mund të kemi një përballje mes Uru- guait nga Grupi A dhe Spanjës ( ose Portugalisë) në Grupin B. Grupi C dhe D mund të dhurojnë një nga ndeshjet më të forta të këtij turneu, si Francë- Argjentinë, pse jo një finale e parakohshme. Po ashtu mund të cilësohet edhe një duel mes Brazilit dhe Gjermanisë, që mund të rrjedhë nga përplasja mes Grupeve E dhe F, duke kujtuar se e para e Grupit E do të ndeshet me të dytën e Grupit F dhe kështu me radhë. Një duel emocionues mund të rridhte gjithashtu nga Grupet G dhe H, si Angli- Kolumbi, për shembull, e kështu me radhë... Gjithsesi, të gjitha këto përplasje të mundshme mund të evitohen nëse kombëtaret favorite do të jenë perfekte dhe do ta mbyllin në vendin e parë grupet e tyre, ose pse jo, mund të punojnë edhe paksa me "hile", duke bërë llogari, në mënyrë që nëse një favorite të përfundoja e dyta, edhe ata të ndjekin të njëjtën rrugë.