Kryemadhi, letër Vlahutinit: PD pati të drejtë

Maxhoranca injoroi opinionet e ONM për kandidatët e KLP

Kryetarja e LSI- së, Monika Kryemadhi, i ka dërguar një letër ambasadores së Bashkimit Europian, Romana Vlahutin, Drejtorit të Përgjithshëm të Komisionit Europian, Christian Danielsson dhe shefes së ONM- së, Genoveva Ruiz Calavera. Në këtë shkresë, Kryemadhi ka ngritur si shqetësim arrogancën e maxhorancës, teksa ka përbuzur opinionin e Operacionit Ndërkombëtar të Monitorimit në përzgjedhjen e anëtarëve të Shoqërisë Civile për Këshillin e Lartë të Prokurorisë. “Një moment i patolerueshëm është përbuzja e opinioneve të dhëna nga ONM për kandidatë të caktuar nga Sekretari i Përgjithshëm i Kuvendit ( ish- Sekretar i Përgjithshëm i ministrit Tahiri), ky i fundit, megjithëse ONM është shprehur shumë qartë se kandidatë të caktuar si p. sh. kandidati i shoqërisë civile z. Alfred Balla, i cili, sipas ONM- së, përveçse nuk plotësonte kriteret ligjore nuk kishte as dhe integritet moral, përkundrazi kualifikohet nga Sekretari i Përgjithshëm dhe klasifikohet i pari. E njëjta gjë dhe për kandidatin tjetër z. Andi Muratej, ndërkohë që znj. Qinami e klasifikuar e para dhe e vet- mja që plotësonte të gjitha kriteret, klasifikohet e fundit nga Sekretari i Përgjithshëm. Është fare e qartë që ONM, roli i të cilës është sanksionuar edhe në Kushtetutën e Shqipërisë anashkalohet dhe nëpërkëmbet nga urdhrat politikë, me të cilët vepron Sekretari i Përgjithshëm i Kuvendit”, thekson Kryemadhi në letrën e saj. Kryetarja e LSIsë ka kërkuar ndërhyrjen e diplomatëve të BE- së për procesin e zgjedhjes së Prokurorit të ri të Përkohshëm. Kryemadhi i ka dërguar ambasadorëve dhe amendamentin kushtetues të firmosur nga 55 deputetët e opozitës, të cilin e quan si zgjidhje të ngërçit të krijuar. “LSI është e gatshme që për çështje me prioritet madhor kombëtar, edhe pse mes vështirësish komunikimi, të gjejmë zgjidhje të përbashkëta në interes të qytetarëve. Reformën që votuam me 140 vota dhe 7 ligjet e paketës së Reformës në Drejtësi, nëpërmjet garancisë suaj si BE dhe SHBA, ne si LSI i votuam pa asnjë mëdyshje. Partia Demokratike ishte ajo e cila nuk votoi disa prej ligjeve dhe koha tregoi që konstatimet e tyre ishin të drejta”, thekson Kryemadhi.