Vasili: Të reagojë ambasadorja Vlahutin
Kryetari i Grupit Parlamentar të LSI- së, Petrit Vasili, i cilësoi deklarata të papërgjegjshme ato të bëra nga Kryeministri Rama në Kosovë. “Kryeministri këput njërën idiotësi pas tjetrës, që publiku të heqë vëmendjen nga plagët e thella të shoqërisë shqiptare. BE në Bruksel reagoi për idiotësinë e Kryeministrit për “presidentin kooperativist të shumë shteteve”, ndonëse në fakt është kohë e humbur të merresh me të”, tha Vasili. Ai i kërkoi ambasadores Vlahutin që të mos heshtë. “Çudia e madhe kjo BE në Tiranë. Ndërsa flet edhe në mes të natës për punë që nuk i përkasin fare, hesht e bën piknik kur duhet të flasë.
Shyqyr që është Brukseli të paktën... se këta të BE- së në Tiranë janë më të rëndësishëm dhe nuk kanë kohë....”, shkruan Vasili.