AKADEMIA SIPAS PROJEKTLIGJIT

Akademia është institucioni përfaqësues më i lartë i shkencës e i kërkimit shkencor në vend, që vepron përmes një bashkësie të zgjedhur shkencëtarësh. Akademia është institucion autonom në fushën e kërkimit, e cila e mbështet veprimtarinë e saj në të vërtetën shkencore dhe në interesat kombëtarë. Akademia si institucion ka në përbërje organet e saj drejtuese: Asamblenë, kryetarin, kryesinë; strukturat e ngritura pranë saj: seksione, komisione e njësi të kërkim- studimit, entin botues, si dhe një administratë ndihmëse.

Roli dhe funksionet kryesore të Akademisë:

Të pranojë si anëtarë në radhët e saj dijetarë, krijues e kërkues të shquar në fushën e shkencës e kulturës, të cilët përmbushin standardet e larta në lidhje me personalitetin, punën dhe reputacionin në shkencë e kulturë. Të kultivojë e promovojë arritjet e kërkimit shkencor dhe të propozojë fusha të reja kërkimore e studimore në përputhje me kërkesat e nevojat e zhvillimit të vendit. Të këshillojë me rekomandime e ekspertiza qeverinë për aspekte të rëndësishme të kërkimit shkencor e të planifikimit të projekteve të së ardhmes. Të kontribuojë në përgatitjen dhe promovimin e shkencëtarëve të rinj, etj. Akademia raportin vjetor ia përcjell Këshillit të Ministrave e Ministres për Shkencën dhe Komisionit të Kuvendit që mbulon shkencën Në mbledhjen e saj vjetore për miratimin e programit marrin pjesë me të drejta aktive përfaqësues të institucioneve kryesore të kërkimit, të Ministrisë e të Këshillit të Ministrave