LSI voton pro si PS ligjin për Vetingun në Polici, PD abstenon
Debati i plotë në Kuvend, Xhafa: Hetim edhe familjeve tona, do ta shohësh si do dalë. Kreu i PD: Hiq dorë nga metodat e Sigurimit
Partia Socialiste dhe Lëvizja Socialiste për Integrim kanë bashkuar dje votat duke miratuar në parim me 81 vota pro, projektligjin për vetingun në “Policinë e Shtetit, Gardën e Republikës dhe strukturës së Shërbimit të Ankesave dhe Kontrollit të Brendshëm”. Për këtë projektligj të rëndësishëm Partia Demokratike ka abstenuar, pasi nuk është pranuar një prej amendamenteve kryesore, ai i përfshirjes në veting të ministrit të Brendshëm, Fatmir Xhafaj dhe zëvendësministrave të tij. Kryetari i Grupit të PS- së, Taulant Balla, konfirmoi arritjen e dakordësisë me LSInë për të miratuar nen për nen amendamentet e propozuara nga kjo forcë politike. “Grupi parlament i LSI- së ka depozituar një sërë amendamentesh dhe unë do t’i kërko- ja seancës që shqyrtimi nen për nen dhe në tërësi të kalojë për seancën e ardhshme, me qëllim që të kemi kohë për të shqyrtuar amendamentet dhe për gjetur mundësinë e dakordësisë”, ka thënë dje Balla. Për shtyrjen e projektligjit u shpreh dhe kreu i Grupit të LSI- së, Petrit Vasili, i cili tha se amendamentet e propozuara mund të reflektohen në draftin final. Më herët, gjatë seancës, ministri i Brendshëm, Fatmir Xhafaj, tha se do të propozonte veting për politikanët, veçanërisht kreun e PD- së dhe familjarët e tij. Por kjo deklaratë ngjalli debate në seancë, teksa Basha u shpreh i hapur për t’iu nënshtruar çdo lloj hetimi. Nga ana tjetër, Taulant Balla tha se Lulzim Basha është nën hetim nga SHBA- të për përdorimin e parave të paligjshme në procesin e lobingut, ndërsa tha se për këto akuza fajin do ia “ngecë” Arben Ristanit.