Arrestohen autorët e vrasjes së biznesmenit
Në 2014 u kap 1 ton hashash, do trafikohej për llogari të Begallës
Policia e Tiranës ka arrestuar dy persona të dyshuar si autorë të vrasjes së biznesmenit Memli Begalla, mbrëmjen e 14 shkurtit në zonën e ish- Bllokut.
Njëri nga të arrestuarit, 43- vjeçari Denis Demiri, i njohur edhe me emrin Alban, dyshohet të ketë rolin e ekzekutorit. Ndërsa personi tjetër, Ardian Serezi, 49- vjeç, ish- shofer i Parkut të Ministrisë së Brendshme, sapo kishte dalë nga burgu, pasi ishte dënuar për transportimin e 1 ton hashash, që dyshohet të ketë qenë e biznesmenit Begalla. Burime nga grupi hetimor, thanë se motivi i ngjarjes dyshohen të kenë qenë borxhet, që lidhen edhe me sasinë e konsiderueshme të drogës së kapur në vitin 2014 në Gjirokastër. Të njëjtat burime konfirmuan se është provuar edhe me prova shkencore se Demiri është personi, që ka kryer ekzekutimin e Begallës. Ndërsa personi tjetër, që është fiksuar nga kamerat e sigurisë natën e krimit, i cili ka rolin e bashkëpunëtorit, ende nuk është arrestuar dhe po punohet për kapjen e tij. Për ish- policin Serezi, deri tani është ngritur akuza e moskallëzimit të krimit, por gjithashtu dyshohet se është i përfshirë në organizimin e ngjarjes.
ARRESTIMET Drejtori i Policisë së Tiranës, Kastriot Skënderaj, gjatë një konference për shtyp paraditen e djeshme, njoftoi se dje gjatë orëve të para të mëngjesit, ishte finalizuar operacioni i koduar “Triss”, gjatë të cilit u arrestuan dy të dyshuar për vrasjen e biznesmenit Memli ( Afrim) Begalla. Operacioni u organizua nga strukturat e Hetimit të Krimeve në Policinë e Tiranës në bashkëpunim të ngushtë me Prokurorinë, duke u bërë e mundur zbardhja dhe dokumentimin e autorësisë së ngjarjes së ndodhur më 14 shkurt në kryeqytet. Drejtori Skënderaj tha se, nga veprimet e dokumentuara, rezulton se shtetasi Denis Demiri ka kryer ekzekutimin e shtetasit Memli Begalla. Ndërsa, sipas tij, dyshohet se pista kryesore ku janë fokusuar hetimet është ajo e borxheve që nuk kishte shlyer viktima. Drejtori i Policisë së kryeqytetit tha se për arsye hetimore, nuk mund të bëhen publike të dhëna të tjera në lidhje me mekanizmin apo rolet, si dhe përfshirjen e personave të tjerë në këtë ngjarje.
AUTORET Të dy personat e arrestuar dje nga Policia e Tiranës, në lidhje me vrasjen e biznesmenit 64- vjeçar, Memli Begalla, rezultojnë me precedentë të mëparshëm penal. Personi që sipas policisë ësh- të ekzekutori, Denis Demiri, ka qenë i dënuar më parë për një tentativë vrasjeje. Ngjarja për të cilin ai ishte dënuar, ka ndodhur më 2 prill të vitit 2012, në afërsi të maternitetit “Koço Gliozheni”, kur ai tentoi të vriste me armë zjarri shtetasin me iniciale F. M., me pretendimin se i kishte shqetësuar të fejuarën. Por Policia arriti të parandalonte ngjarjen dhe arrestoi autorin e dyshuar, para se ai të shkrepte armën. Nga ana tjetër, personi tjetër që u ar- restua dje, Ardian Serezi, ishshofer i Parkut të Ministrisë së Brendshme, kishte vetëm pak kohë që ishte liruar nga burgu. Në shkurt të vitin 2014, ai u arrestua gjatë një operacioni të Policisë së Gjirokastrës, teksa po transportonte 1 ton kanabis. Sipas grupit hetimor, dyshohet se këtë sasi droge ai po e tentonte ta trafikonte për llogari të biznesmenit Begalla. Për këtë rast, në atë kohë pati edhe një reagim të Partisë Demokratike, përmes deputeti Flamur Noka, i cili denonconte se Serezi ishte i afërm i ish- ministrit të Brendshëm, Saimir Tahiri.