Negociatori i detit spiun? Zbulohet pse e shkarkoi Imami pas drekës me atasheun e ambasadës
BERISHA DENONCON ARTUR MEÇOLLARIN: ‘ SPIUN I SHERBIMEVE TE HUAJA’. KODHELI: ‘ EKSPERT DETI’. GJUNKSHI: ‘ I KUALIFIKUAR’
Presidenti i Republikës Ilir Meta po verifikon kandidaturën e Artur Meçollarit si pjesë e grupit negociator të marrëveshjes me Greqinë.
Burime pranë kreut të shtetit, pohuan dje për gazetën “Panorama” se Presidenti po merr informacione në rrugë institucionale për një hetim për spiunazh ndaj Meçollarit në vitin 2013, kur ministër ishte Arben Imami. Mësohet, se gjatë kohës kur Meçollari punonte pranë Ministrisë së Mbrojtjes, ai ka mbuluar marrëdhëniet me atashetë e huaj në Shqipëri. Gazeta “Panorama” ka mësuar nga burime pranë Meçollarit, se arsyeja e shkarkimit të tij nga shërbimi ushtarak ka qenë një drekë me një atashe ushtarak të një ambasade në Tiranë, për të cilën Meçollari nuk kishte marrë leje nga ministri i atëhershëm i Mbrojtjes, Arben Imami. Burimet thanë gjithashtu se vendimi për largimin e tij nga shërbimi ushtarak është marrë edhe nga Prokuroria, e cila ka hetuar akuzat për spiunazh. Ndërkohë ish- ministrja e Mbrojtjes, Mimi Kodheli, e cila e riktheu Meçollarin në Forcat e Armatosura në 2013, tha për “Panorama” se “Meçollari është ekspert deti dhe jo spiun”.
DENONCIMI Ish- Kryeministri Sali Berisha denoncoi dje si spiun të shërbimeve të huaja një nga anëtarët e grupit negociator për marrëveshjen e detit me Greqinë. Duke e quajtur akt të papërgjegjshëm të Kryeministrit Rama, Berisha e quajti superskandal emërimin në grupin negociator të Artur Meçollarit. “Do të denoncoj me ashpërsinë më të madhe në grup një ish- spiun, i larguar nga Forcat e Armatosura për lidhje agjenturore me shërbimet e huaja. Ai u largua pas dokumentimeve të pakundërshtueshme të SHIU- t dhe të dhënave të tjera, i larguar me vendim të Prokurorisë së Përgjithshme. Eshtë Artur Meçollari. Ky përbën superskandal”, tha Berisha. Ish- Kryeministri denoncoi dhe një tjetër anëtar të grupit negociator, të propo- zuar nga Ministria e Jashtme. Ai është Ylber Dogjani, kreu i Flotës Detare. “Për herë të parë në histori, në krye të Forcave Detare është një gjeneral, që merr vesh nga Flota dhe Forcat Detare aq sa merrni vesh ju që dini notin. Ai nuk ka lidhje me detin. Ta emërosh në grupin negociator është të tallesh e të përqeshësh”, tha Berisha. Ai i kërkoi Presidentit Meta që të mos e pranojë grupin ne- Ministria e Mbrojtjes, në përgjigje të akuzave të ish- Kryeministrit, deklaroi dje se Artur Meçollari ka certifikatë sigurie. “Akuzat për spiunazh për Artur Meçollarin janë një trillim. Ka pasur edhe ka certifikatën e sigurisë, e cila jepet dhe konfirmohet nga NATO. Kjo certifikatë nuk i është hequr asnjëherë. Meçollari deri në vitin 2017 ka qenë këshilltar i komandantit të forcave të NATO- s, John Nicholson”, tha një burim zyrtar i Ministrisë së Mbrojtjes ndaj akuzave të ishKryeministrit Berisha për Artur Meçollarin. gociator të propozuar nga Ministria e Jashtme. “Uroj që Presidenti i Republikës, që është zotuar publikisht se do të zbatojë në frymë e në germë Kushtetutën, të mos e pranojë këtë grup negociator. Shpresoj, që ky projekt ogurzi në vend që të shndërrohet në një vend bashkëpunimi, të mos lejojë të shndërrohet në një mollë sherri mes dy vendeve tona”, tha Berisha.