Kredi për bizneset e vogla, marrëveshje me BERZH
Sejko: Nxitja e kreditimit në lekë, zhvillim pozitiv për ekonominë
Ndërmarrjet e vogla dhe të mesme do të kenë mundësi të kreditohen në lekë përmes një programi specifik të Bankës Europiane për Rindërtim dhe Zhvillim. Guvernatori i Bankës së Shqipërisë, Gent Sejko, nënshkroi dje në emër të Bankës së Shqipërisë, memorandumin e mirëkuptimit për nxitjen e bashkëpunimit për përdorimin e monedhës kombëtare dhe zhvillimin e tregut lokal të kapitalit në Shqipëri, midis Bankës Europiane për Rindërtim dhe Zhvillim ( BERZH), Bankës së Shqipërisë dhe Ministrisë së Financave dhe Ekonomisë. Guvernatori Sejko vlerësoi se nxitja e kreditimit në lekë jo vetëm do të forcojë përdorimin e monedhës vendase, por do të ndikojë pozitivisht në ekonomi. “Roli ekskluziv, që Banka e Shqipërisë ka si autoritet monetar dhe mbikëqyrës, mbështetet konkretisht nga kjo marrëveshje. Angazhimi i palëve për të bashkëpunuar për përshpejtimin e zhvillimit të tregut shqiptar të kapitalit, duke forcuar për- MILIARDË lekë shënoi rënie kredia me probleme deri në dhjetor të 2017, sipas të dhënave të Bankës së Shqipërisë. Raporti i kredive me probleme zbriti në 13.2%, nga 18.3% që ishte në 2016 dorimin e monedhës vendase, përveç punës në fushën e mbikëqyrjes bankare dhe qeverisjes, si dhe zgjidhjes së çështjes së kredive me probleme, do të ketë një ndikim pozitiv në përmirësimin e efektivitetit të politikave ekonomike dhe financiare, si dhe reduktimin e rreziqeve të stabilitetit financiar për vendin”, u shpreh Sejko. Memorandumi synon të përmirësojë kreditimin në lekë të ndërmarrjeve të vogla dhe të mesme, nëpërmjet një programi specifik që BERZH- i ka për këtë qëllim. Programi i BERZH- it mund të ofrojë financim për këto ndërmarrje me kushte konkurruese, sipas politikave e procedurave të saj. Gjithashtu, programi nëpërmjet koordinimit me autoritetet kombëtare, në mënyrë të drejtpërdrejtë ose në bashkëpunim me or- ganizatat dhe partnerët ndërkombëtarë financiarë, nxit një mjedis pozitiv për kreditimin në monedhën vendase. Përsa i përket zhvillimit të tregut të kapitalit, memorandumi përmban dhe një plan veprimi, ku palët ( BERZH, Ministria e Finan- cave dhe Ekonomisë dhe Banka e Shqipërisë), angazhohen për veprime të mëtejshme konkrete në këtë fushë. Ky memorandum u nënshkrua gjatë Samitit të Vendeve të Ballkanit Perëndimor, të organizuar nga Banka Europiane për Rindërtim dhe Zhvillim, në Londër. Samiti organizohet çdo vit nga Presidenti i BERZH- it, Sir Suma Chakrabarti dhe mbledh në një tryezë diskutimi 6 kryeministrat e vendeve të Ballkanit Perëndimor: Bosnje- Hercegovinës, Kosovës, Malit të zi, Maqedonisë, Serbisë dhe Shqipërisë. Gjatë samitit, Guvernatori i Bankës së Shqipërisë, Gent Sejko, pati rastin të zhvillojë takime me përfaqësues të Bankës Europiane për Rindërtim dhe Zhvillim, si dhe me përfaqësues të tjerë të institucioneve financiare ndërkombëtare për të diskutuar mbi zhvillimet makroekonomike të Shqipërisë, potencialet për investime që ofron ajo, si dhe bashkëpunimin e ardhshëm me këto institucione për projekte të ndryshme.