Ronaldo: Nuk kam ëndrra, më josh "Topi i Artë"

Kristiano Ronaldo nuk ka ëndrra, por ka forcë për të fituar një tjetër "Top të Artë" për të parakaluar rivalin e tij Lionel Mesi. Në një intervistë për "Desimpedidos", portugezi tregon idhujt e tij dhe mënyrën se si u bë më i miri në botë.

"Ka shumë njerëz që më duan dhe të tjerë që më urrejnë. Unë gjithmonë vlerësoj ata që janë në anën time në çdo moment. Marselo dhe Kasemiro më thonë se në Brazil ka shumë tifozë që më duan. Ndoshta gjuha ndihmon shumë dhe historia e Brazilit me Portugalinë gjithashtu. Kjo gjë më bën të lumtur".

"Nuk e mendoja kurrë që do ta fitoja 5 herë, por gjithçka nisi në fillimin e karrierës. E dija që isha një fëmijë i mbarë. Kisha të njëjtën moshë me të tjerët, por ndieja që isha më i mirë. Bëja gjëra që ata nuk mund t'i bënin. Por nuk e dija kurrë që do të fitoja një ' Top të Artë'. Luajta me Sportingun, pastaj me Mançesterin. Aty kuptova që po luaja me më të mirët në

Fansat- Topat e Artë-

botë dhe kundër më të mirëve".

"Unë e kam dashur gjithmonë të jem më i miri, por jo t'i bëj presion vetes për këtë fakt. Kjo gjë do të ma vështirësonte objektivin. Kur je i fiksuar me diçka, nuk i arrin dot objektivat, si në futboll, ashtu edhe në jetën personale. Duhet t'i lësh gjërat të ndodhin normalisht".

Më i miri-

"Unë kam pasur gjithmonë një objektiv: të isha

Inspirim-

lojtar profesionist dhe të luaja me kombëtaren. Kisha dëshirë të bëhesha si Rui Kosta, Fernando Kouto dhe Figo. Doja të luaja përkrah tyre".

"Nuk jemi favoritët dhe duhet të jemi të ndërgjegjshëm për këtë. Duhet të jemi të përulur që të mundim ekipet, që teorikisht janë më të fortë. Në futboll asgjë nuk është e pamundur. Ne fillimisht do të tentojmë të kalojmë fazën e grupeve".

Botërori-

"Mendoj se nuk kam më ëndrra. Gjithçka që kam ëndërruar e kam bërë realitet në futboll. Nuk do të ishte e sinqertë të thosha që ëndrra kanë të gjithë. Mendoj se kam arritur shumë gjëra të bukura dhe nuk kam ëndrra. Nëse më pyesin se çfarë dua të fitoj, sigurisht që do të më pëlqente të fitoja një Botëror. Por, nëse do ta përfundoja tani karrierën time, do isha shumë krenar dhe i lumtur. Nuk e mendoja kurrë se do të ishte e tillë".

"Unë thashë që kam fituar gjithçka dhe do të isha i lumtur nëse e mbyllja karrierën. Por, sigurisht që kam forcë dhe ambicie për të fituar një tjetër ' Top të Artë'. Kam forcë për të luftuar për të qenë më i miri, pavarësisht se disa thonë të kundërtën. Kam besim, por varet nga fakti se si do të shkojë sezoni apo Botërori".

Ëndrrat- Forca-