Vrasja e 28- vjeçarit, daja: Shteti doli garant
Policia zbardh krimin, shpall në kërkim Kastriot Gjuzin
Policia e Tiranës ka zbardhur atentatin e së martës në Kinostudio, ku mbeti i vrarë me 4 plumba 28- vjeçari Mario Majollari.
Është identifikuar dhe shpallur në kërkim autori i dyshuar i ngjarjes, 40- vjeçari Kastriot Gjuzi, i njohur me emrin Petrit Gjuzi, banues në zonën e Tufinës. Burime zyrtare të Policisë së kryeqytetit thanë se ekzekutimi i Mario Majollarit është kryer për motive gjakmarrjeje. Kjo, pasi babai i tij, 18 vite më parë, ka vrarë 2 persona, njëri prej të cilëve Ilir Gjuzi, vëllai i personit që u shpall në kërkim dje nga Policia. Megjithatë, përveç motivit dhe faktit që Kastriot Gjuzi nuk është gjetur në shtëpinë e tij apo në ambiente të tjera që frekuenton, nga ana e Policisë duket se ende nuk ka ndonjë provë tjetër të fortë në lidhje me përfshirjen e tij të drejtpërdrejtë në krim. Ndërkohë, Policia e Tiranës thotë zyrtarisht: “40vjeçari Kastriot Gjuzi dyshohet se rreth orës 20: 25, në rrugën ‘ Aleksandër Moisiu’, për motive hakmarrjeje ka vrarë me armë zjarri shtetasin Mario Majollari, 28 vjeç”. Nga verifikimet e kryera nga Policia, rezulton se ky person ndodhet në Shqipëri, por deri tani nuk është mësuar vendndodhja e tij. “Zbardhet në kohë rekord vrasja e ndodhur mbrëmjen e së martës në rrugën ‘ Aleksandër Moisiu’. Identifikohet e shpallet në kërkim autori i dyshuar i vrasjes së 28- vjeçarit Mario Majollari”, deklaroi dje Policia e Tiranës. Sipas njoftimit të Policisë, në funksion të zbardhjes së ngjarjes, ishte ngritur menjëherë një grup i posaçëm hetimor. Pas një pune intensive, gjatë gjithë natës dhe orëve të para të mëngjesit, fik- simit të çdo prove në vendngjarje, si dhe një sërë veprimesh të tjera hetimore, u bë e mundur zbardhja e ngjarjes. “Specialistët e Sektorit për Krimet e Rënda bënë shpalljen në kërkim të autorit të dyshuar, Kastriot ( Petrit) Gjuzi, 40 vjeç, banues në Tiranë, i dënuar më parë. Ky shtetas dyshohet se rreth orës 20: 25, në rrugën ‘ Aleksandër Moisiu’, për motive hakmarrjeje ka vrarë me armë zjarri shtetasin Mario Majollari, 28 vjeç. Vijon puna intensive për gjetjen dhe arrestimin e autorit të dyshuar të shpallur në kërkim”, tha Policia.