Donald Lu: Llalla rrezikon burgun, gënjeshtër për Metën
Ofendim për Presidentin Meta dhe popullin shqiptar”
Ambasadori amerikan në Tiranë, Donald Lu, ka reaguar dje pas akuzave të ishKryeprokurorit Adriatik Llalla se në maj të vitit 2015, i ka kërkuar arrestimin e Ilir Metës.
Në një reagim për “News 24”, Donald Lu e ka quajtur Adriatik Llalën si një zyrtar publik të korruptuar dhe të diskretituar. Për diplomatin amerikan, ish- Kryeprokurori është në hetim aktiv për pastrim parash dhe krijimin e pasurive të shumta të pajustifikuara. Sipas tij, Adriatik Llalla vazhdon të flasë kundër Reformës në Drejtësi, pasi ai rrezikon të shkojë në burg për shkak të korrupsionit të tij. “Ish- Prokurori i Përgjithshëm, Llalla, është një zyrtar publik i korruptuar dhe diskredituar, i cili është nën hetim aktiv për pastrim parash dhe pasuri masive të pashpjeguara. Nuk është për t’u habitur që vazhdon të flasë kundër Reformës në Drejtësi sepse tani rrezikon të shkojë në burg për korrupsionin e tij”, ka thënë dje ambasadori Lu. Duke folur për pretendimin konkret të arrestimit të Presidentit Ilir Meta, në kohën kur drejtonte Parla- mentin e Shqipërisë, Donald Lu e quajti si gënjeshtër absurde. Pretendimet e Llallës, në reagimin e tij, Donald Lu i ka quajtur edhe si një fyerje ndaj Presidentit Ilir Meta dhe popullit shqiptar. “Ai ka pretenduar se brenda katër muajsh nga mbërritja ime në Tiranë, unë i paskam thënë të arrestojë ish- Kryetarin e Kuvendit, Ilir Meta. Kjo është një gënjeshtër absurde nga z. Llalla, pa kurrfarë baze në fakte. Gënjeshtra e tij fyese është një ofendim për Presidentin Meta dhe popullin shqiptar”, ka thënë dje ambasadori Lu. Më datë 2 shkurt, në emisionin “Opinion”, Adriatik Llalla ka rrëfyer një histori të takimit privat që pati me ambasadorin Lu në zyrë dhe tha se i ishte bërë presion për Bankers Petroleum, e quajti sorosist, e akuzoi për shantazh, por emrin e politikanit të shënjestruar nga Ambasada Amerikane nuk e bëri publik. Por emrin e politikanit që iu kërkua të arrestohej nga Ambasada Amerikane, ish- Prokurori i Përgjithshëm e ka treguar në Kongresin Amerikan, kur iu kërkua informacion në lidhje me ndikimin e “Soros”- it në Shqipëri.
“Gënjeshtra e tij fyese është një ofendim për Presidentin Meta dhe popullin shqiptar”, ka thënë dje ambasadori Donald Lu