NDRYSHIME NE STATUTIN E PD

FUTJA E KONCEPTIT TË “DËMIT NDAJ PARTISË”

Ky parim është i artikuluar si nen më vete dhe përdoret nga CDU e Gjermanisë dhe parashikon rastet kur anëtari kalon në grup tjetër parlamentar, merr pjesë në aktivitete të kundërshtarëve politikë, mban publikisht qëndrime kundër politikës së partisë, publikon informata konfidenciale sensitive, shkel ligjet dhe kryen akte të rënda në kundërshtim me etikën qytetare, shpërdoron pronën e partisë.

PËRFSHIRJA E ANËTARËSISË NË PËRZGJEDHJEN E KANDIDATËVE PËR DEPUTETË

Kandidaturat që plotësojnë kriteret, të kalojnë në filtrin e votës së anëtarësisë përpara se institucionet qendrore si Kryesia dhe Këshilli Kombëtar të marrin vendimin përfundimtar. E drejta për t’u konsideruar si kandidat apo për të propozuar kandidat, të mos ketë asnjë kufizim. Pretendentët për kandidatë, pasi të kenë kaluar në filtrin e vlerësimit të Komitetit të Seleksionimit të Kandidaturave, të votohen nga anëtarësia e degëve ku ata dëshirojnë të kandidojnë.

GARANTIMI I KARRIERËS

Në rregulloren e brendshme, të parashikohen kriteret minimum të karrierës që duhet të përmbushë çdo kandidat për funksione politike në parti. Këto kritere duhet të kenë si referencë kohëzgjatjen e anëtarësimit, kontributin në fushata elektorale, aktivizimin në jetën politike dhe publike të vendit.

ORGANET QENDRORE

Kryesia dhe Këshilli Kombëtar të kenë mundësi të propozojnë kandidaturat e tyre alternative për funksione që janë brenda kompetencës së tyre. Propozimet alternative nga këto organe të bëhen mbi një mbështetje paraprake, të konfirmuar nga jo më pak se 15% e anëtarëve