BALLA: SHPRESOJ QË BASHA TË MOS LOBOJË KUNDËR NEGOCIATAVE

Kryetari i opozitës, Lulzim Basha, gjatë ditës së parë të vizitës në Berlin, u ka bërë thirrje përfaqësuesve të Bundestagut që të mbështetin hapjen e negociatave për anëtarësimin e Shqipërisë në BE. Sipas Bashës, me hapjen e negociatave do të mund të intensifikohen vazhdimi i BE- së në Shqipëri dhe për rrjedhojë, do të bëhet një luftë më e fortë ndaj krimit, korrupsionit dhe do të ecë më para Reforma në Drejtësi. Këto diskutime Basha i ka ndarë me ekspertët e Politikës së Jashtme dhe të Sigurisë nga zyra e Kancelares Merkel dhe nga grupi i CDU/ CSU në Parlamentin gjerman. “Kemi kërkuar mbështetjen e grupit CDU/ CSU për hapjen e negociatave si një akt që do të mbështesë Shqipërinë në një ëndërr që e ndajnë të gjithë shqiptarët, të anëtarësimit të vendit në BE, por edhe si një përpjekje të shtuar për të plotësuar kriteret e paplotësuara në luftën kundër krimit të organizuar, korrupsionit, reformës në drejtësi, reformës në administratën publike, respektimin e të drejtave të nëpërkëmbura të njeriut, siç e tregoi rasti i fundit i Kukësit”, tha Basha. Më tej, ai u shpreh se të gjitha këto janë shqetësime të thella të partnerëve tanë dhe janë arsye të mëdha për të dyshuar ndaj Shqipërisë. “Ndaj, në emër të opozitës, në emër të Partisë Demokratike, kemi kërkuar që ta shohin këtë si një proces, i cili mundëson vazhdimin e betejës për të çmontuar krimin e organizuar dhe kapjen e shtetit nga krimi i organizuar, për të çmontuar narko- shtetin si një problem jetik për Shqipërinë, për të luftuar korrupsionin, për të vendosur të gjithë qytetarët të barabartë para ligjit, për të vendosur në veçanti politikanët e korrup- Vizita e Lulzim Bashës në Berlin është komentuar dje nga kryetari i Grupit të PSsë, Taulant Balla, i cili u shpreh skeptik nëse lideri i PD- së kishte kërkuar çeljen e negociatave për Shqipërinë. Në një komunikim për mediat, Balla tha dje se: “Unë shpresoj që Lulzim Basha të mos jetë dhe mos të investohet në një lobing kundër hapjes së negociatave edhe në prezencën e fundit në Berlin. Por në një vend, në vendin më të rëndësishëm të anëtarëve të BE- së, ku procedura që Bundestagu përcakton për shqyrtimin e rekomandimit nga ana e KE- së kalon qoftë në Komisionin për Çështjet Europiane apo dhe në vendimmarrjen e Grupeve Parlamentare, Lulzim Basha, sikurse dhe ne me të majtën gjermane, duhet të bëjë të njëjtën gjë, që mbështetja politike e grupeve politike të përfaqësuara në Bundestag të jetë për ta kaluar sa më shpejt në këtë procedurë parlamentare çështjen e hapjes së negociatave”, ka thënë dje Balla. tuar dhe me lidhje kriminale para drejtësisë, për të çliruar ekonominë nga monopolet dhe nga oligarkia, për të rikthyer konkurrencën si një parakusht i zhvillimit ekonomik që krijon vende pune”, u shpreh Basha.