Prokuroria zgjat me tre muaj hetimet për çështjen “CEZ”
Prokuroria e Tiranës ka vendosur që të zgjasë edhe me tre muaj hetimet për aferën e privatizimit të OSSH- së. Burime brenda organit të Akuzës thonë për gazetën se Prokuroria pret përgjigjen e tri letërporosive, që ka dërguar jashtë vendit. Bëhet fjalë për një letërporosi në Kosovë, një në Çeki dhe një në Francë. Deri më tani, për çështjen janë thirrur për të dëshmuar Shkëlzen Berisha, djali i ishKryeministrit dhe ish- ministri Genc Ruli. Hetimet për këtë çështje u mbyllën në shtator të vitit të kaluar, por u rihapën me vendim gjykate. Për këtë çështje u ngrit edhe një Komision Hetimor Parlamentar që dërgoi dosjen në Prokurori. Sipas këtij Komisioni të drejtuar nga deputeti i PS- së Taulant Balla, privatizimi i OSSH- së i shkaktoi një dëm prej 414 milionë eurosh shtetit shqiptar. Bëhet fjalë për periudhën 2005- 2013, kur OSSH- ja iu kalua çekëve të CEZ. Po kështu, Komisioni del në përfundimin se kontrata me CEZ ishte e paracaktuar, e shoqëruar me shkelje të shumta, duke i dhënë përfitime të padrejta kompanisë çeke, si dhe duke dëmtuar rëndë interesat e ligjshme të shtetit dhe publikut, për shumën 57,931,041,292 lekë ose 414 milionë euro. “Përfundimisht, bazuar në dokumentacionin e administruar si provë dhe dëshmitë e dhëna nga ana e dëshmitarëve, Komisioni Hetimor konstaton se ndodhemi përpara fakteve dhe provave të pakundërshtueshme se personat e lartpërmendur, shpeshherë edhe në bashkëpunim me njëri- tjetrin, kanë konsumuar elementët e veprave penale “Shpërdorim i detyrës”, “Shkelja e barazisë në tenderë”, “Mashtrimit”, “Ndikim i paligjshëm ndaj personave që ushtrojnë funksione publike”, “Pastrim i produkteve të veprave penale”, shkruan raporti. Per- sonat e vënë nën akuzë nga Komisioni për veprat penale të mësipërme janë: Sali Ram Berisha, ish- Kryeministër; Nuel Kalaj, biznesmen; Genc Ruli, ish- ministër i Ekonomisë; Ridvan Bode, ish- ministër i Financave; Florion Mima, ish zv/ ministër i METE; Enno Bozdo, ish zv/ ministër i METE; Ledina Mandia, ish- Avokate e Shtetit; Shkëlzen Sali Berisha, për veprat penale “Refuzimi për të dëshmuar” dhe “Ushtrimi i ndikimit të paligjshëm ndaj personave që ushtrojnë funksione publike; Bujar Nepravishta, ish- kryetari i Entit Rregullator të Energjisë dhe Sokol Ramadani, ish- kryetari i Entit Rregullator të Energjisë.