Mattarella jep mandatin, Conte: Do të ruaj rrugën europiane
Presidenti i Italisë, Sergio Mattarella, i ka caktuar detyrën e formimit të qeverisë kandidatit të Legës dhe Lëvizjes 5 Yjet për Kryeministër, pasi konfirmoi edhe njëherë në mëngjes me liderët e dy forcave më të mëdha politike nga zgjedhjet e 4 marsit, se ai ishte emri i duhur dhe se ata kishin shumicën për qeverinë. Conte do të bëhet Kryeministri ( apo Presidenti i Këshillit) i qeverisë së 65- të në historinë e republikës italiane. Presidenti Mattarella e priti Conte- n në Presidencë dhe i ngarkoi detyrën e formimit të qeverisë së re. Sipas mediave italiane, Conte ka pranuar me rezerva dhe ka bërë të ditur se dëshiron të jetë avokati mbrojtës i të gjithë popullit ital- ian”. Në fjalimin e tij të shkurtër në Presidencë, Conte tha se do të ruante rrugën europiane të Italisë, por do t’u përmbahej edhe marrëveshjeve të brendshme mes forcave politike të shumicës. “Dua t’i jap jetë një qeverie nga ana e qytetarëve dhe që do të ruajë inter- esat e tyre. Mezi po pres që të nis punën seriozisht”. Giuseppe Conte, jurist dhe docent në Universitetin e Firences, ishte përmendur edhe para 4 marsit si ministër i Administrimit Publik nga lista e qeverisë së Lëvizjes 5 Yjet, të paraqitur para zgjedhjeve, nga një qeveri e mundshme e Luigi Di Maio. Por në negociatat mes 5 Yjeve dhe Legës për formimin qeverisë, emri i tij ishte ai, për të cilin të dyja palët ranë dakord. Në ditët në vazhdim pritet propozimi i tij për kabinetin qeveritar. Por skuadra është gati, pasi për këtë kanë punuar të dy liderët e shumicës, Di Maio dhe Matteo Salvini. Kjo do të thotë se që të martën e ardhshme kabineti mund të jetë gati për t’u votuar në Dhomën Përfaqësuese. Matteo Salvini, kreu i Legës, ka garantuar se kabineti qeveritar do të ketë autonom- inë dhe besimin maksimal. Kreu i grupit parlamentar të 5 Yjeve në senat, Danilo Toninelli, tha se ndryshe nga herët e tjera, mocioni i besimit të qeverisë do të jetë i motivuar nga një seri tematikash të pranishme edhe në kontratë ( programi qeveritar).