“Përpjekje që Tahiri të shpëtojë pa u lagur”
Basha: Si për çdo autokrat të korruptuar, fajtore është opozita
merret vetëm me këtë çështje; mbrojtjen e kriminelëve, siç bëri në të kaluarën, edhe sot, vetëm me mbrojtjen e kriminelëve. Vendi është pa qeveri. Të gjitha energjitë, e gjithë koha jonë i dedikohet luftës kundër kriminelëve, që Edi Rama ka sjellë në këtë Parlament, në godinat e qeverisë e kudo në institucione. E gjithë energjia dhe koha e Edi Ramës merret me mbrojtjen e tyre. Shteti ka rënë. Shteti është kapur totalisht. Ndaj, vëllezër dhe motra ka mbetur ajo që i mbetet njerëzve të lirë, ajo që prej 200 vitesh ka sanksionuar Montesquie: “Kur ligji, Kushtetuta shkelen, kur qeveria qeveris jashtë ligjit dhe Kushtetutës, është e drejta e Sovranit të marrë fatin në dorë”.
* * * Unë dua sot të ftoj të gjithë shqiptarët të bashkohen me qindra- mijëra protestuesit, në protestën më të madhe kombëtare, të shtunën në 26 Maj, në orën 11: 00. Të bashkohemi të shtunën për t’iu thënë ndal këtyre kriminelëve dhe të gjithë politikanëve të lidhur me krimin. Ta mbyllim njëherë e mirë këtë kapitull dhe të hapim kapitullin që meritoni ju, për një jetë më të mirë për ju, për shpresë për çdo shqiptar. Shqipëria ka mjaftueshëm njerëz të ndershëm, të cilët mund t’i shërbejnë asaj. Partia Socialiste ka njerëz të ndershëm, që mund t’i shërbejnë popullit. Ndaj, sot dua t’u drejtoj një thirrje të drejtpërdrejtë socialistëve të ndershëm shqiptarë, që ndjehen të neveritur nga kapja e partisë së tyre, lënia e partisë së tyre peng i krimit dhe drogës. Negociatat nuk hapen pa luftuar krimin dhe politikanët e lidhur me krimin. Negociatat nuk hapen me reforma në letër, me ligje që miratohen dhe nuk zbatohen, si ligji antimafia, për Fatmir Xhafajn. Negociatat nuk hapen, pa e ndarë qeverisjen nga krimi. Nuk hapen negociatat Edi Rama, siç ta kanë thënë edhe mbrëmë, pa zgjedhje të lira dhe të ndershme! Ndaj, le të jemi të hapur e të drejtpërdrejtë me njëri- tjetrin. Është një e vërtetë e qartë, e thjeshtë, e kuptueshme për të gjithë Shqipërinë sot: As opozita, as BE, as Holanda, as Macroni, as Merkeli, as Krishbaum nuk janë pengesa. Edi Rama, ti je pengesa. Fatmir Xhafaj është pengesa. Ju jeni tradhtarët e vërtetë të popullit, që keni tradhtuar interesat e qytetarëve të thjeshtë për xhepat tuaja dhe pasuritë tuaja, duke u lidhur dhe duke u bërë njësh me krimin e organizuar dhe trafikantët e drogës.