Spaleti, gëzim dhe alarme: Merkato me “Fair Play”
“Falënderoj drejtuesit që më bënë të përjetoja këto emocione, me këto ngjyra. Falënderoj bashkëpunëtorët, që janë më të zotë se unë, përgatisin gjithçka që unë t’i gjej gati: ata janë thelbësorë. Na është dashur të pedalojmë shumë, kemi kaluar momente të vështira. Më pas, falë gjithë atyre që ndodhen në ‘ Appiano Gentile’, që qëndrojnë prapa kuintave, sektorit të moshave. Nuk do doja të harroja askënd, ah po... Falënderoj tifozët që ‘ vetëm’ shikojnë, por njëkohësisht baza, themeli, nisin nga këta elementë. Edhe në Romë gjithçka ishte e bukur. Në fushë qëndrova pak, më pas u pendova dhe u riktheva sepse doja t’u qëndroja pranë tifozëve, që ishin shumë të lumtur. Lacio mbeti jashtë Champions- it, e meritonin megjithatë një vend në shkallët e para për gjithçka kanë bërë në harkun e kampionatit... Ndikoi shpirti, fati, ekuilibri i kampionatit deshi një përballje direkte në fund... Lacio është një skuadër me vlera, e rangut të lartë, është rritur shumë dhe kjo na jep merita për atë çka bëmë. Dua të përmend edhe kampi- onatin: plot ngrohtësi e dashuri, stadiumet e mbushura plot, arritjet e Juves e Romës në Champions, Lacios e Atalantës në Ligën e Europës; e tani kthimi i Ançelotit në kampionatin tonë ( Serinë A) është certifikim i rritjes së futbollit italian”. Interi është i lumtur me Spaletin; ai, në krahun tjetër, i lumtur dhe shumë i motivuar pasi ka rikthyer skuadrën në Champions. E tani, nis e vështira.
GJITHË EMRAT - Me “hijen” e UEFA- s dhe dilemat e merkatos. Dhe Spaleti, megjithatë, është preciz ( ndoshta shumë i drejtpërdrejtë): “Në këtë moment, akordet me UEFA- n na ndalojnë të paguajmë Rafinjan e Kanselon, në një moment të dytë do shohim. Ikardi? Është thelbësor për projektin tonë, por nuk është e lehtë të jepet një përgjigje duke parë edhe peshën e personazhit. Varet nga dy faktorë: merkato dhe dëshira e lojtarit. Nuk po them që ai dëshiron të largohet, përkundrazi. Por nuk dua që një lojtar të qëndrojë pa dëshirë. Sigurisht, pa të, do humbisnim shumë”. Spaleti ndalet për një moment tek e ardhmja e tij: “Kam një kontratë deri vitin e ardhshëm dhe tek Interi ndihem shumë mirë. Një rinovim ndërtohet mbi shumë faktorë. Klubi më ka përsëritur se dëshiron të vazhdojë. Por kohëzgjatja pak ndikon, nevojitet angazhimi i përditshëm”. Dhe kalon sërish te lojtarët ( një objektiv, madje, shumë pranë me zikaltrit gjatë orëve të fundit: “Barela? Është shumë i zoti, si Naingolan... Martinez ( ky i fundit, dje mbërriti në Milano për të kryer sot vizitat)? E kam parë vetëm në video, por cilësitë janë të padiskutueshme”.