Takimi historik, Trump e Kim Jong firmosin marrëveshjen e paqes
Ja se çfarë i premtuan liderët njëri- tjetrit, në tryezë edhe tema surprizë për mbrojtjen amerikane
Presidenti Trump dhe lideri koeranoverior Kim Jong Un kanë arritur një marrëveshje historike në takimin e Singaporit, i pari i këtij lloji, duke dhënë shpresë për paqe të përhershme në gadishullin korean, pa armë nukleare.
Trump dhe Kim Jong Un u takuan mëngjesin e së martës. Ata kanë biseduar për pesë orë së bashku dhe kanë arritur “të lëshojnë pe” edhe në pika, të cilat ishin të padiskutueshme në këtë takim, si për shembull çështje ushtarake apo më qartë, stërvitja e përbashkët e SHBA- së dhe Koresë së Jugut. Edhe pse kjo temë nuk ishte në tryezën e negociatave për amerikanët, Trump ka pranuar kërkesën e Kim që të mos ketë stërvitje të tilla për një farë kohe, të cilat duken si provokuese për Korenë e Veriut dhe kështu u lanë mënjanë në shenjë të besimit të mirë me njëritjetrin. Deklarata e Presidentit Trump, se nuk do të ketë stërvitje dypalëshe ka ardhur si surprizë për Departamentin Amerikan të Mbrojtjes, të cilët thanë se do të kërkojnë më pas detaje nga Shtëpia e Bardhë. Nga ana e tij, Kim Jong Un pohoi një “angazhim të palëkundur për të përfunduar denuklearizimin e gadishullit korean” në një dokument të nënshkruar të martën, sipas Presidentit Donald Trump. “Ne jemi të përgatitur për të filluar një histori të re dhe jemi gati të shkruajmë një kapitull të ri midis dy kombeve tona”, tha ai në një dhomë të mbushur me gazetarë, në një konferencë shtypi në Singapor. Programi i armëve bërthamore të Penianit dot ë përfundojë ,parashikoi Trump,- duke njoftuar se Kim tashmë ish- te larguar nga Singapori dhe po kthehej në Korenë e Veriut për të filluar zbatimin e premtimeve të përbashkëta. “Unë besoj se ai do ta zbatojë atë dokument”, tha Trump pas një dite që përfshinte gati 5 orë ballë për ballë me Kim. Trump nuk tha nëse ka një afat për denuklearizimin. Presidenti amerikan tha se ai i beson Kim Jong Un dhe ai i beson atij. “Mbase pas një viti do të më intervistoni dhe unë do të them se isha gabim. Ka mundësi. Ne po negociojmë në nivel të lartë, shumë gjëra janë të mundura”, shtoi Presidenti. Ndërkohë që foli për zotimet e Kim, Trump shtoi se nuk ka garanci që ai do ta shkatërrojë atë “arsenal shumë substancial”. Trump nuk bëri premtime për zbutjen e sanksioneve ekonomike që kanë mbytur Korenë e Veriut për vite të tëra, por tha se ai ishte “duke pritur me padurim t’i merrte ato” nëse Kim ndiqte detyrimet e tij. Ai spekuloi rreth shkëmbimit të ambas- adorëve me Korenë e Veriut “me shpresë së shpejti”, por paralajmëroi se është pak herët për këtë. Një hap i parë do të ishte një ftesë për Shtëpinë e Bardhë. Presidenti amerikan përsëri tha se është i hapur për të ftuar Kim në SHBA dhe për të vizituar Penianin vetë. “Në një kohë të caktuar, unë do ta bëj”, tha ai duke iu referuar një bisede me Kim në zyrën ovale. Ai parashikoi gjithashtu se armiqësitë mes Veriut dhe Jugut do të përfundojnë së shpejti, sepse e kaluara nuk duhet të përcaktojë të ardhmen. “Çdokush mund të bëjë luftë, por vetëm më të guximshmit mund të bëjnë paqe”, tha Presidenti.