PERFAQESUESI I CDU
Ministri i Jashtëm gjerman, Haiko Mass, kërkoi hapje të kushtëzuar të negociatave me BE- në për Shqipërinë dhe Maqedoninë. Gjatë një takimi të Këshillit të Atlantikut, Mass i kërkoi Brukselit që të mos lerë jashtë procesit integrues vendet e Ballkanit Perëndimor pasi, sipas tij, Kina dhe Rusia do të mbushin boshllëkun europian të tyre. “Stabiliteti duhet të jetë prioritet për politikën e jashtme europiane. Kjo vlen veçanërisht për vendet e Ballkanit Perëndimor. Nëse BE nuk arrin të avancojë në procesin e integrimit me këto vende – dhe ne po diskutojmë këtë çështje aktualisht – do të ketë pasoja fatale. Për një kohë të gjatë, fuqitë e tjera – Rusia, Kina, vendet e Lindjes së Mesme, që do të thotë, shtete me një ide krejtësisht të ndryshme për rendin dhe stabilitetin sesa ato të përqafuara nga ne në Europë – kanë kërkuar ta mbushin këtë boshllëk”, deklaroi Mass, sipas atlanticcouncil. com. Sipas tij, vendet e Ballkanit Perëndimor duhet të përmbushin kriteret që kërkon Bashkimi Europian. “Natyrisht, integrimi në BE varet nga vendet që përmbushin kritere të përcaktuara qartë. Kjo nuk është vënë kurrë në dyshim. Fokusi është në demokracinë liberale dhe në një shtet funksional të bazuar në sundimin e ligjit. Disa vende kanë bërë progres të kënaqshëm në këto fusha”, shtoi ai. Ministri i Jashtëm gjerman e sheh të domosdoshme hapjen e bisedimeve me Shqipërinë për anëtarësim në BE, edhe për faktin se nëse kjo nuk ndodh, efekti i reformave të thella që qeveria ka ndërmarrë, do të zbehet. “Shqipëria ka bërë gjithashtu përparim të dukshëm duke kryer reforma ambicioze në gjyqësor. Kjo është arsyeja pse unë shprehimisht mbështes hapjen e kushtëzuar të bisedimeve të pranimit me këto dy vende ( Maqedonia – shën. i përkth.). Nëse prishin perspektivën e tyre të integrimit, të gjitha reformat që kanë nisur do të zerohen”, u shpreh Mass. Sipas tij, anëtarësimi i vendeve të Numri dy i partisë së Kancelares Merkel në CDU/ CSU, Dr. Johann David Wadephul, mendon se nuk janë plotësuar kushtet e BE- së që do të çonin në hapjen e negociatave në fund të këtij muaji. Ndër të tjera, z. Wadephul thotë se peshqit e mëdhenj janë të paprekur, në rrjetë kanë rënë vetëm peshq të vegjël. Po ndërkaq, ai thotë se Tahiri është peshk i madh dhe se çështja e tij është pengesë reale për hapjen e negociatave. “Ne ende kemi dyshime të konsiderueshme nëse ekziston vullneti politik për të praktikuar standardet ligjore të BE- së. Kjo nuk është një pyetje që mund të marrë përgjigje vetëm gjatë negociatave të pranimit, por duhet të kemi besim të qartë në gatishmërinë për veprimin e sundimit të ligjit para se të fillojmë negociatat e pranimit. Por për sa kohë që këto dyshime nuk janë larguar bindshëm përmes sundimit të ligjit në mënyrë konsekuente, ne nuk mund t’i hapim kapitujt e parë të bisedimeve, të cilat janë pikërisht kapitujt e shtetit ligjor 23 dhe 24", tha Wadephul. Ballkanit Perëndimor lidhet dhe me sigurinë e të gjithë Europës. Përveç guximit për t’u bashkuar, BE- ja ka nevojë për instrumentet e duhura për të zbatuar këto politika në praktikë. Një pjesë e realitetit të ri transatlantik nënkupton se ne duhet të marrim më shumë përgjegjësi për sigurinë tonë, sepse nuk mund të mbështetemi më në anën tjetër të Atlantikut për të bërë një gjë të tillë për ne. Kemi nevojë për Bashkim të vërtetë Europian në fushën e sigurisë dhe mbrojtjes”, theksoi ministri i Jashtëm gjerman, Haiko Mass.