Pakti me Greqinë, Rama e Tsipras takim në Londër
Shehu: Bisedimet me Greqinë kanë rënë në një “pikë të vdekur”
Kryeministri Edi Rama dhe Kryeministri i Greqisë, Aleksis Tsipras, do të takohen këtë të martë në Londër.
Lajmi bëhet i ditur nga mediat greke, ndërkohë që takimi mes dy kryeministrave vjen në një kohë që marrëveshja mes Greqisë dhe Shqipërisë mendohet të jetë drejt finalizimit. Sipas mediave greke, Rama dhe Tsipras do të takohen në Londër në kuadër të procesit të Berlinit, ku do të marrin pjesë vende të Ballkanit Perëndimor dhe vendet kryesore europiane. Sipas raportimeve në mediat greke, në qendër të takimit RamaTsipras pritet që të jetë finalizimi i marrëveshjes për kufirin detar. Arsyet e shtyrjes së datës së nënshkrimit të kësaj marrëveshjeje mendohet të kenë qenë përplasjet e brendshme në Greqi. Qeveria e koalicionit Syriza dhe Grekët e Pavarur kanë pasur përplasje të ashpra ndaj Marrëveshjes së Prespës dhe Tsipras duket se nuk është gati për nënshkrimin e një tjetër marrëveshjeje për shkak të reagimeve që mund të sillte.
REAGIMI Lidhur me marrëveshjen midis Shqipërisë dhe Greqisë ka reaguar edhe nënkryetari i Komisionit të Jashtëm në Kuvend, Tritan Shehu. Sipas Shehut, marrëveshja mes dy vendeve ka rënë në një “pikë të vdekur”. “Bisedimet me Greqinë me gjithë ‘ terrin informativ’, duket se kanë rënë në një ‘ pikë të vdekur’, gjë që ishte e paralajmëruar nga ne. Diplomacia jonë është në vorbullën e një dështimi të ri; çdo afat kohor e objektiv i trumbetuar nga Ministria e Jashtme tashmë është tejkaluar pa rezultat. Kjo ndodh se çdo gjë, prej pesë vitesh, po zhvillohet së prapthi, pa profesionalizëm e përgjegjësi nga Rilindja për këto mar- rëdhënie”, sqaron deputeti i PD- së. Në lidhje me Marrëveshjen e Kufirit Detar siç po e tregojnë edhe zhvillimet, në këtë katrahurë të krijuar nga Rilindja ngel vetëm një zgjidhje dinjitoze e racionale për ne, ajo e drejtimit në Gjykatën e së Drejtës në Hagë, me mirëkuptim re- ciprok. Kështu ndodh kur të ‘ hyn vetja në qejf e kërkon të bësh cubin’ një herë e më pas detyrohesh të kthehesh te roli i ‘ shërbëtorit’ të bindur, por ama dhe ky me dy ‘ zotërinj, gjë që e komplikon edhe më shumë situatën, duke krijuar një tablo tragjiko- komike”, shprehet Shehu.