Këshilli i Ambasadorëve, kundër Thaçit për ‘ korrigjim të kufijve’
Këshilli i Ambasadorëve Shqiptarë shprehet kundër deklaratave të Presidentit të Kosovës, Hashim Thaçi, për korrigjimin e kufijve të Kosovës me Serbinë. Përmes një reagimi për mediat, ky Këshill inkurajoi përpjekjet e palëve dhe faktorit ndërkombëtar për normalizimin e marrëdhënieve mes Kosovës dhe Serbisë, por cilësoi si qëndrime të tejkaluara në kohë deklaratat për ‘ korrigjim të kufijve’. “Këshilli i Ambasadorëve Shqiptarë po ndjek me vëmendje deklaratat e ditëve të fundit mbi ecurinë e dialogut mes Prishtinës dhe Beogradit. Këshilli i Ambasadorëve Shqiptarë, duke inkurajuar çdo përpjekje të palëve dhe faktorit ndërkombëtar për normalizimin e marrëdhënieve mes Kosovës dhe Serbisë, shpreh shqetësimin për qëndrime të tejkaluara në kohë, të ashtuquajtura opsioni i ‘ korrigjimit të kufijve’, zhvillime të cilat kanë krijuar paqartësi në opinion- in publik dhe brenda të gjithë faktorit shqiptar. Këshilli i Ambasadorëve Shqiptarë mbështet qëndrimet në vazhdimësi, zyrtare dhe publike të qeverive të Republikës së Shqipërisë, të cilat kanë përjashtuar opsionin e korrigjimeve të kufijve për zgjidhjen e interesit kombëtar”, thuhet në reagimin e Këshillit të Ambasadorëve Shqiptarë. Sipas këtij Këshilli, dialogu mes Kosovës dhe Serbisë duhet të jetë në përputhje me Kushtetutën e Kosovës. “Fryma e dialogut me Serbinë dhe rezultatet e negociatave duhet të jenë domosdoshmërisht në përputhje me Kushtetutën e Republikës së Kosovës, interesat kombëtare dhe ato të partnerëve strategjikë, SHBA dhe BE. Këshilli i Ambasadorëve Shqiptarë mbështet gjithashtu, institucionet e Kosovës përfaqësuese në dialogun Prishtinë – Beograd, të vazhdojnë me përgjegjësi këtë proces, i cili është shumë i rëndësishëm për stabilitetin në rajonin tonë. Përmbushja me sukses e sfidave të brendshme që lidhet me zbatimin e reformave, luftën kundër korrupsionit, konsolidimin e demokracisë dhe zhvillimin e mirëqenies në Kosovë, është detyrë lidershipi politik dhe detyrim i patjetërsueshëm