Arrestohet në të gdhirë autori i masakrës, u bindet negociatorëve të RENEA- s
Dëshmia e parë në Polici e Ritvan Zykajt: I vrava se më akuzonin për vjedhje. Nuk kam përdorur “Facebook”
Arratia e autorit të masakrës me 8 viktima në Selenicë ka marrë fund në të gdhirë të ditës së djeshme. Ai është arrestuar nga forcat speciale RENEA, i fshehur në disa kallamishte, disa qindra metra larg shtëpisë së tij.
Mbi 500 punonjës Policie, FNSH, DELTA, RENEA dhe efektivë të Policisë së Vlorës, morën pjesë në operacionin për arrestimin e tij, që drejtohej nga drejtori i Policisë së Shtetit, Ardi Veliu. Prej mbrëmjes së të premtes, ata ishin në terren për të vënë në pranga autorin e dyshuar të vrasjes së 8- fishtë në Resulaj të Selenicës, 24- vjeçarin Ritvan Zykaj. Policia ka përdorur qentë gjurmues për të rënë në gjurmët e autorit, që pas krimit u arratis së bashku me armën. Ndërkohë, janë përdorur nga RENEA edhe dylbi nate e dite. Janë caktuar dy perimetra sigurie, vija e parë, ajo që rrethoi fshatin dhe e dyta, që ishte më e ngushtë në bazë të gjurmëve që ndoqi qeni gjurmues. Dje, rreth orës 05: 00 të mëngjesit, efektivë të Forcave Speciale, veshur me uniformë ngjyrë toke për t’u kamufluar, ranë në gjurmët e autorit fshehur në kallamishte, pasi e panë me dylbi. Pasi e rrethuan, negociatorët e RENEA- s hynë në bisedime në mënyrë që ai të dorëzohej. Thirrjes “Ndal Policia! Dorëzohu, hidhe armën!”, autori i është përgjigjur pa rezistencë.
DESHMIA Në momentin e arrestimit, 24- vjeçari nuk ka thënë asnjë fjalë, por vetëm ka kërkuar të pijë ujë. Ai është shfaqur i qetë dhe i është dorëzuar pa asnjë rezistencë Policisë E më pas ka dhënë dëshminë e parë në Polici. “Kam qenë i pirë dhe nuk mbaj mend se çfarë kam bërë”, ka thënë autori, teksa merrej në pyetje në Drejtorinë e Policisë së Vlorës. Por ai nuk ka mohuar konfliktin e vazhdueshëm që ka pasur me kushërinjtë. “Ata më akuzonin mua për vjedhje”, mësohet të ketë thënë ai. Ndërkohë që sipas Policisë, bëhej fjalë për disa pula deti që ishin vjedhur dhe për të cilat kushërinjtë kishin akuzuar 24- vjeçarin. Sa u përket komenteve në rrjetin social në profilin e tij të “Facebook”, që publikoheshin vazhdimisht gjatë kohës që ai ishte në arrati, Zykaj ka mohuar që ta ketë përdorur ai. “Nuk e di kush i ka shkruar. Unë nuk kam përdorur ‘ Facebook’”, është shprehur autori i krimit.
Në fshat ai njihej si tepër “nevrik”, për shkak të sherreve të vazhdueshme që bënte me të tjerët. Disa madje kanë dyshime se ai mund të ketë pasur edhe probleme të shëndetit mendor. Megjithatë, asnjë nuk e thotë me siguri, as Policia. Ndonëse prokurori ka kërkuar një ekspertizë mjekësore për të vërtetuar nëse ka apo jo probleme mendore, deri tani zyrtarisht nuk konfirmohet nëse ka apo jo. Për këtë shkak, edhe në profilin e tij në rrjetin social “Facebook”, të afërm të tij i jepnin porosinë “mos bëj fjalë me njeri, sidomos me kushërinjtë”. Ndonëse sjelljet e tij agresive i dinin të gjithë, nuk rezulton që familja apo të afërm të tij të kenë kërkuar ndihmë në institucionet përkatëse të Shëndetit Mendor. Zyrtarisht, Policia thotë se ai nuk kishte një kartelë të hapur, çka konfirmon se ndonëse ishte një person që paraqiste rrezikshmëri, nuk ishte identifikuar si i tillë nga autoritetet përkatëse.
BANORET Siç banorët konfirmojnë, Ritvani ka pasur sjellje disi antisociale që në fëmijërinë e tij. Ai kreu vetëm katër vjet klasë dhe më pas nuk pranoi ta ndiqte arsimimin më tej. Nuk i pëlqente të shoqërohej me njeri dhe nuk kishte asnjë shok në fshat. Ai nisi një jetë të izoluar, kryesisht me bagëtinë në mal.
Në fshat i konsideronte të gjithë “kundër”, çka dyshohet të ketë ndikuar në përforcimin e agresivitetit të tij. Të gjitha vjedhjet i adresoheshin atij. I kishte bërë ai apo jo, pak rëndësi kishte. Të gjithë e drejtonin gishtin tek ai për çdo gjë që ndodhte në fshat. Ritvani ishte i vetmi i dyshuar për gjithçka, kur zhdukeshin pulat, bagëtitë apo ndonjë send tjetër. Pikërisht për arsye të sjelljeve të tij, banorët e konsideronin atë si “delja e zezë”.
“Kriminel...”. “Psikopat...” Kështu e cilësonin dje në fshat të riun, që mori jetën e tetë familjarëve. Përshkrimi që ata i bëjnë 24- vjeçarit