NËNKRYETARI I LSI: RAMËS I KA HUMBUR DHIMBJA
Nënkryetari i LSI- së, Luan Rama, e ka cilësuar si një gjëmë të dytë pas tragjedisë së ndodhur në Selenicë, qëndrimin e mbajtur nga Kryeministri Rama. Sipas nënkryetarit të LSI- së, dhimbja, turpi dhe reflektimi nuk kanë lidhje me Kryeministrin. “Në vend të përshpirtjes ( më e pakta që mund të bëjë një njeri normal!), vetëlavdime për ecurinë ekonomike, punësimin dhe bizneset e reja në vend, që pasi janë paraprirë nga një ‘ mirëmëngjes’ me të qeshur, mbyllen me urimin ‘ fundjavë të qetë!’. Po dhimbja, po turpi, po ngushëllimi për të vrarët, po reflektimi e përgjegjësia?! Këto nuk kanë lidhje me Kryeministrin! Kryeministrit tonë i ka humbur dhimbja si ndjesi njerëzore! Ai është barbarizimi i shpirtit njerëzor! Ndërmjet dy gjëmave: nga vrasësi te Kryeministri - ç’të vajtosh më parë?!”, shprehet Rama.
Ngjarja tronditëse e ndodhur në Selenicë të Vlorës, ku një 24- vjeçar ekzekutoi 8 familjarë të tij, përfshiu në akuza edhe politikën.
Përmes një reagimi në orët e para të mëngjesit, kreu i PD, Lulzim Basha, shprehu ngushëllimet e tij për familjet që humbën 8 persona dhe bëri thirrje për reflektim për pasigurinë që shtohet çdo ditë. “Vrasja mizore e 8 familjarëve në Resulaj, përfshirë 2 fëmijë, ka tronditur të madh e të vogël. Mendimet dhe lutjet e mija janë për shpirtrat e të ndjerëve dhe dhimbjen e të afërmve. Sot është ditë zie për Vlorën dhe vendin, por dhe reflektimi për pasigurinë, që shtohet çdo ditë”, u shpreh Basha. Por një postim i ngjashëm me atë që publikon çdo mëngjes i Kryeministrit Rama, ka sjellë reagime të forta nga funksionarë të lartë të PD- së. Kreu i qeverisë uronte një fundjavë të qetë për të gjithë, ndërkohë që publikonte një videoinformacion për ecurinë ekonomike. “MIRËMËNGJES! Dhe me këtë video- informacion për ecurinë ekonomike, punësimin dhe bizneset e reja në vend, ju uroj një fundjavë të qetë”, shkruante Rama në “Facebook”. Por nënkryetari i PD- së, Edi Paloka, e ka cilësuar cinizëm ekstrem reagimin e Kryeministrit në një ditë tragjedie si ajo e djeshmja. Sipas Palokës, ‘ i çmenduri’ është në krye të qeverisë, ndaj edhe ç’mund të presësh më shumë nga të çmendurit e tjerë që ai i lë rrugëve. “Tragjedia e Vlorës me të drejtë ka tronditur çdo shqiptar; dy familje që u shuan me gra e fëmijë bashkë. I vetmi që vazhdon të jetojë në botë tjetër është Kryeministri i vendit. Nga Vlora, Rama shkruan në FB : ‘ Ju uroj një fundjavë të qetë’... Është cinizmi ekstrem i një Kryeministri që nuk ia ndien hiç për askënd apo është fakti që shumë qytetarë shkruajnë në komentet e tyre lidhur me autorin e krimit: ‘ Ne të çmendurin e kemi në krye të qeverisë, çfarë presim nga ata që ky i lë rrugëve’”, deklaroi Paloka. Në emër të kreut të PD- së Lulzim Basha ka qenë deputetja e Vlorës, Nada Meçorapaj, që ka ngushëlluar familjarët për humbjen tragjike të 8 pjesëtarëve të familjes. “Në emër të kryetarit të PD- së, z. Lulzim Basha, ngushëllova
Ish- Kryeministri Berisha e ka cilësuar një krim makabër ngjarjen e ndodhur në Vlorë dhe ka shpërthyer në akuza në drejtim të Kryeministrit Rama për qëndrimin e mbajtur për ngjarjen. Sipas Berishës, ngjarja që bëri lajm për të gjithë botën nuk preku një antinjeri dhe një antishqiptar si Kryeministri Rama. “Një masakër që tronditi Shqipërinë dhe bëri lajm botëror, por nuk të preku ty o skizofren! Një mijë herë turp o faqezi antishqiptar dhe antinjeri! Kjo masakër makabre ka përbërë një lajm botëror në të gjitha mediat e mëdha të botës. Por kjo masakër nuk ka përbërë lajm, nuk është dënuar dhe nuk është thënë një fjalë ngushëlluese familjarëve nga monstra në krye të qeverisë dhe fundërrinat e tjera të kabinetit të skizofrenit, i cili me heshtjen e tij paranojake i vrau për së dyti viktimat e Selenicës! Me këtë rast, dua t’i them monstrës në krye të qeverisë, njëqind e një mijë herë turp o faqezi, antishqiptar dhe antinjeri, ty dhe fundërrinave që të rrethojnë”, është shprehur Berisha. sot familjen Zykaj dhe vendosa lule në banesat e fundit të 8 jetëve që i shoi një dorë e papërmbajtur çmendurie. Ato varre do të jenë një plagë e hapur familjare e shoqërore. Nënave u dhëntë Zoti forcë”, shprehet përmes një postimi në “Facebook”.