“S’ka konkurrencë, 1 në 3 tendera jepen pa garë”
PD: Rama u ka dhënë klientëve të tij 70 milionë euro në 1 vit
Partia Demokratike vijon akuzat ndaj qeverisë për dhënien e tenderave në disa duar për klientët e saj. Përmes një dalje për mediat, drejtuesja e Departamentit Antikorrupsion në PD, Lealba Pelinku, theksoi se korrupsioni në qeverinë Rama është në nivele alarmante. “Kontrolli i Lartë i Shtetit ka dalë me të njëjtin konkluzion si disa institucione të rëndësishme ndërkombëtare, Departamenti Amerikan i Shtetit apo Gjykata Europiane e Auditit, se në Shqipëri nuk ka konkurrencë të hapur dhe 1 në 3 tendera janë dhënë pa garë. Me fjalë të tjera, kjo do të thotë se korrupsioni është në nivele alarmante dhe se qeveria e Edi Ramës është kampione e korrupsionit. Përkthimi në shifra i mungesës së konkurrencës në shpenzimin e parave publike zbulon se qeveria e Edi Ramës u ka dhënë klientëve të saj në 1 vit 70 milionë euro pa garë, duke e rritur në mënyrë alarmante këtë procedurë korruptive në krahasim me vitin e parë të qeverisjes”, tha përfaqësuesja e PD. Sipas Pelinkut, ligji nuk u jep të drejtë kompanive që nuk shpallen fituese në garë, që të ankohen, por, edhe nëse ato e bëjnë një veprim të tillë, futen në “listën e zezë” të sekretarit të Përgjithshëm të Kryeministrisë, i cili, sipas PD- së, është kthyer në noter të korrupsionit. “Mënyra tjetër për të grabitur paratë publike është pjesëmarrja në tender e vetëm 1 kompanie. Edhe në këtë procedurë korruptive konkurrenca ka munguar plotësisht në 30 % të rasteve, duke paracaktuar fituesin e preferuar të qeverisë për ndarjen së bashku të miliona eurove të tjera nga taksat. Kompanitë e tjera, pa njohje dhe mbështetje qeveritare, nuk kanë ku të ankohen për mungesën e konkurrencës, pavarësisht se ligji ua njeh këtë të drejtë. Nëse ankohen,