Bindet nga Migjen Basha, Mërgim Mavraj firmos me Aris
Një lojtar që vesh fanellën e Kombëtares, është gjithmonë një ambasador i vendit. Dhe Shqipëria është prezantuar në Greqi në mënyrën e saj më të mirë nga Mërgim Mavraj. Mbrojtësi i kuqezinjve ka gjetur akordin me skuadrën e Arisit dhe pas përfundimit të angazhimit me përfaqësuesen për Izraelin dhe Skocinë, do të shoqërojë Migjen Bashën drejt Selanikut. Futbollisti shqiptar është trajtuar nga mediat greke si një transferim i bujshëm, jo vetëm për eksperiencën e madhe në fushën e lojës, por edhe për karakterin humanitar që ka Mavraj.
Lajmi - Ishte vetë presidenti i Arisit të Selanikut, që ka bërë me dije akordin me mbrojtësin e Kombëtares, i cili do të nënshkruajë për dy vitet e ardhshme. “Goditje e madhe”, ka shkruar numri një i skuadrës greke, duke postuar në rrjetet sociale për akordin me mbrojtësin e Kombëtares.
Akordi - Mediat greke kanë bërë me dije se nuk kanë qenë as paratë dhe as mungesa e ofertave. Përkundrazi, Mavraj ka refuzuar disa interesime së fundmi, vetëm nga fakti që është bindur për të zgjedhur ekipin grek. Dhe vetë presidenti i Arisit ka bërë me dije se ky është një “asist” nga Migjen Basha. Mesfushori i Kombëtares, gjatë ditëve të qëndrimit në grumbullim me Mavrajn, e ka bindur këtë të fundit që të pranojë edhe ofertën prej rreth 200 mijë eurosh në sezon, pa përfshirë klauzolat shpërblyese në formë bonusesh.
Jehona – Mërgim Mavraj është trajtuar nga mediat më prestigjioze në Greqi, si një futbollist me shuam eksperiencë, jo vetëm me Kombëtaren shqiptare, por edhe në kampionatin gjerman. Gjithashtu, trajtim tejet pozitiv shqiptari ka marrë nga mediat për sjelljen e tij jashtë fushe. Nismat humanitare të mbrojtësit, që njihet gjerësisht për bamirësinë dhe kontributet që jep në ndihmë të njerëzve në nevojë, kanë marrë vlerësime të mëdha në shtetin helen. Ndeshja do të zhvillohet në stadiumin “Nuevo Arkangel” në Kordoba.