Skandali me Kombëtaren, e dëbojnë nga zona VIP
Justifikim i pazakontë: Salla nuk përballon kaq shumë persona
Si të mos mjaftonte ndrydhja në disa raste nga rregullat e Izraelit për kushtet e sigurisë, Kombëtarja duhet të përballet edhe me ndrydhje nga instancat shtetërore.
Kuqezinjtë do të udhëtojnë sot drejt Skocisë, por do të përballen me një situatë që nuk u ndodhte prej kohësh. Delegacioni i kuqezinjve do të duhet që të udhëtojë nga zona e udhëtarëve normalë dhe jo në sektorin e personave të veçantë VIP. Dje është mësuar edhe ky ndryshim për Kombëtaren.
LAJMI
Dy ditë më parë, mes institucionit të futbollit në vend dhe Ministrisë së Jashtme ka pasur një komunikim mes postës elektronike, ku kërkohej dhe konfirmohej leja për të kaluar nga zona VIP e aeroportit për udhëtimin drejt Skocisë. Mirëpo, hallka tjetër shtetërore ka refuzuar këtë leje, duke ndaluar kuqezinjtë që të përdorin këtë rrugëkalimi. Federata Shqiptare e Futbollit kishte kërkuar përdorimin e këtij terminali, në mënyrë që të shmangeshin radha dhe kontrollet e gjata, si për të lehtësuar futbollistët dhe delegacionin që pritet të kenë një udhëtim rreth 3orësh. Protokolli shtetëror, pasi dha fillimisht lejen ditën e premte për pritjen e skuadrës në terminalin e posaçëm, një ditë më vonë ( dje) ka njoftuar zyrtarët e FSHF- së se diçka e tillë nuk mund të ofrohet.
ARSYETIMI
Ndonëse nuk është hera e parë që Kombëtarja përdor një hyrje të tillë, në përgjigjen e dërguar për FSHF- në, arsyetohet se "kapacitetet e sallës VIP e kanë të pamundur që të trajtojnë një numër kaq të madh personash". Në të tilla kushte, kuqezinjtë duhet të përballen me radhën e kon- trolleve tradicionale përpara se të nisen për kryerjen e udhëtimit drejt Skocisë së largët.
VIZAT
Për futbollistët e Kombëtares është dashur që të kërkohet edhe vizë për kalimin drejt Britanisë së Madhe. E ndërsa për Hykën dhe Gavazajn një aplikim i tillë është bërë të hënën, si dy të fundit që kanë aplikuar për kërkesë të tillë, dokumentacioni është bërë gati në kohë. Ndaj, edhe skuadra nuk do të ketë asnjë mungesë në këtë aspekt.
AXHENDA
Shqipëria do të kryejë sot seancën e fundit stërvitore në "Elbasan Arena". Më pas, koha për të drekuar dhe në orën 15: 00 pritet që të niset edhe avioni çarter, me të cilin do të udhëtojë drejt Skocisë.