Reagimet pas marrjes së Dhomës Përfaqësuese nga demokratët

Frans Timmermans, zv. President i Komisionit Europian:

Fitorja e demokratëve në Dhomën Përfaqësuese është një shenjë e qartë e zmadhimit të ndarjes mes Trump dhe popullit amerikan. Jam i frymëzuar nga votuesit në SHBA, që zgjodhën shpresën në vend të frikës, qytetërimin në vend të vrazhdësisë, gjithëpërfshirjen në vend të racizmit, barazinë në vend të diskriminimit. Ata mbrojtën vlerat e tyre. Kështu do të bëjmë edhe ne!

Pierre Moscovici, Komisioneri për Ekonominë dhe Financat në BE, ishministër francez i Financave:

Fitore e demokratëve në Dhomën e Përfaqësuesve për herë të parë në tetë vjet me gjithë manipulimet e fuqishme republikane. Donald Trump ka të drejtë për diçka: Ishte një sukses madhështor!

Heiko Maas, Ministri i Financave në Gjermani:

Europa do të bëjë mirë t’i përgjigjet politikës “Amerika e para” nga Trump në linjë me Europën e bashkuar. Kam shumë shpresa për domethënien e fitores së demokratëve në Dhomë. Do të shohim se çfarë mase do të ketë ndikim. Shpresojmë që ky bashkëpunim do të jetë konstruktiv dhe do të çojë në rezultate konstruktive për politikat ndërkombëtare.

Dmitry Peskov, zëdhënës i Vladimir Putin, Rusi:

Fitorja e demokratëve në Dhomën e Përfaqësuesve nuk ka gjasa t’i komplikojë më shumë marrëdhëniet mes Moskës dhe Uashingtonit. Çdo gjë është mjaftueshëm e komplikuar. Sa për pjesën tjetër, me gjithë fobitë që ekzistojnë në SHBA, Rusia nuk ka ndërhyrë, nuk po ndërhyn dhe nuk ka për të ndërhyrë në proceset elektorale të ndonjë vendi në botë, përfshirë SHBA.