Akciza e cigareve rritet me 3 lekë për paketë
Ahmetaj: Do të thjeshtojmë procedurat për biznesin, gjobat për kundërvajtjet administrative do të reduktohen 30 për qind
Ministri i Financave dhe Ekonomisë, Arben Ahmetaj, prezantoi dje në Komisionin e Ekonomisë ndryshimet në akcizë, në TVSh dhe në procedurat tatimore. Paketa fiskale për vitin 2019 sjell rritje të akcizës së cigareve me 3 lekë/ paketa.
Po ashtu, ndryshon edhe niveli i akcizës për produktin e duhanit të grirë, puro dhe cigarrillos duke u rritur në masën 6,000 lekë/ kg nga 4,400 lekë/ kg. “Përsa u përket akcizave kemi sjellë ndryshimet e nivelit të akcizave për produktet e duhanit të grirë, purot, dhe cigaretet, me zëvendësues duhani, nga 4400 lekë kg në 6 mijë lekë kg. Shtimi i një produkti të ri, duhan me ngrohje në listën e mallrave të akcizës në masë 6 mijë lekë kg. Saktësimi i metodës së përllogaritjes së akcizës për produktin nikotinë lëndë për mbushjen e cigareve elektronike, të mos kishim asnjë konfuzion. Ndryshime në kreun e shkeljeve në fushën e akcizës dhe sanksionet. Këto janë pak a shumë ndryshimet që kemi sjellë”, u shpreh ministri. Efektet në buxhet nga rritja e akcizës së cigareve llogaritet në vlerën e 0,46 miliardë lekë. Efektet në të ardhura nga akciza e duhanit dhe zëvendësuesve të tjerë llogaritet 0,22 miliardë lekë. PROCEDURAT
TATIMORE Ministri i Financave, Arben Ahmetaj, tha se ndryshimet në ligjin për procedurat tatimore do të thjeshtojnë procedurat për biznesin. “Ndryshimet e propozuara në projektligj lidhen me thjeshtësimin e procedurave tatimore në zbatimin e legjislacionit tatimor. Synohet përmirësimi i rregullave të regjistrimit dhe pajisjes me NIPT të personave fizikë tregtarë për të administruar këtë kategori tatimpaguesish në deklarim të saktë të të ardhurave të realizuara, kur fiktivisht ndajnë aktivitetin vetëm me qëllim shmangie tatimi, duke e regjistruar me më shumë se një NIPT, gjë që ne e kemi parë rëndom të ndodhë, ku i njëjti person, i njëjti individ krijon më shumë se një NIPT dhe e mbyll njërin, e bën pasiv njërin, kalon te tjetri e pastaj të njëjtën gjë bën me atë NIPT. Këtu i japim fund asaj praktike praktikisht”, tha Ahmetaj. Ministri deklaroi se ndryshimet parashikojnë edhe reduktim të gjobave. “Në përputhje dhe me direktivën propozohet një dispozitë e përgjithshme anti- shmangie, e cila mundëson për administratën tatimore të përdorë mënyra alternative të vlerësimit tatimor kur konstatohet se tatimpaguesi kryen veprime apo transaksione, të cilat synojnë përfitimin e një avantazhi tatimor në kundërshtim me legjislacionin tatimor dhe rezultojnë fiktive me prova e fakte. Për sa lidhet me dën- imin për kundërvajtjet administrative tatimore, vlen të theksohet një shtesë me rëndësi në nenin 124, sipas së cilës, në rast se tatimpaguesi pranon vlerësimin tatimor dhe paguan detyrimin, gjoba reduktohet me 30 për qind”, tha Ahmetaj. TVSH- JA E PESTICIDEVE
Deputetët e Partisë Socialiste në Komisionin e Ekonomisë kërkuan dje përjashtimin e inputeve bujqësore nga TVSh- ja. Propozimi u mirëprit nga ministri i Financave, i cili kërkoi të ruhej konsolidimi fiskal nëpërmjet miratimit të një skeme balancuese. “Sa u përket inputeve bujqësore, mua më ka pëlqyer shumë pro- pozimi nga Grupi i PS- së në mbledhjen e fundit, në balancimin e nivelit të TVSH- së dhe inputeve me rimbursimin për fermerët. Pra, unë me kënaqësi e mbështeta për aq sa më takon dhe mundem, ndaj kur ta diskutojmë nen për nen, sigurisht që këtu do të jemi bashkë për të balancuar inputet me përqindjen e rimbursimit të TVSH- së që rimbursohet për fermerët. Besoj që bëjmë një balancë të shëndetshme në funksion të promovimit të bujqësisë, të konsolidimit fiskal, por edhe të një transparence më të thellë të skemës së rimbursimimeve”, u shpreh ministri.