SHOQËROHEN 9 EKSTREMISTË

Në përfundim të ceremonisë mortore, ekstremistët grekë kanë bllokuar për disa minuta lëvizjen e automjeteve në aksin rrugor GjirokastërKakavijë. Kjo u bë shkak për shoqërimin e nëntë personave, të cilët nga verifikimet rezultuan se kishin hyrë ilegalisht në territorin e vendit tonë. Mes tyre janë Babis Karathano, kryetar i Asociacionit Qendror të Epirit të Veriut, Thoma Stefos, ish- anëtare e Këshillit të Përgjithshëm DEEEM Omonia, Christos Ntoutsi, ish- zyrtar i Qarkut Upper Dropoli dhe Andrea Kourtis, drejtori i Komunës Heliopolis. Më herët, Policia Kufitare nuk lejoi hyrjen në territorin e vendit tonë të disa personave, pasi kishin me vete simbole nacionaliste. Të shoqëruarit në Policinë e Gjirokastrës po hetohen për hyrje paligjshme, si dhe po merren në pyetje për bllokimin e rrugës nëse një gjë e tillë ka qenë e qëllimshme apo jo. Për të marrë sqarime mbi shoqërimin e tyre, në Komisariat ka shkuar deputeti dhe kreu i PBDNJsë, Vangjel Dule.

"Ajo që duam të garantojmë në emër të shtetit shqiptar është vendosmëria jonë për të punuar me palën greke për ta zbatuar këtë marrëveshje një më një. Edhe në kontaktet që kemi pasur javët e fundit, pavarësisht incidentit fatkeq që ndodhi në Bularat, qoftë në kontaktet e Kryeministrit, qoftë në kontaktet e mia, kemi qenë në një faqe sa i përket nevojës për të vijuar me vendosmëri për të çmontuar të gjitha barrierat ekzistuese që kanë një impakt te jeta e qytetarëve. Shpresoj shumë që pala greke ta përfundojë procedurën për këtë marrëveshje, e cila është një marrëveshje tip, jo një marrëveshje shumë e sofistikuar që nuk kërkon ndonjë vullnet të madh politik", tha ministri Bushati në një interpelancë me një grup qytetarësh që marrin shërbime konsullore pranë konsullatës shqiptare në Milano dhe në ambasadën shqiptare në Athinë në kuadër të Platformës së Bashkëqeverisjes. Sipas tij, marrëveshja e parë e arritur mes dy vendeve, ajo e njohjes së patentave ende nuk është miratuar nga qeveria greke. "Kemi arritur një marrëveshje me qeverinë greke për njohjen e ndërsjelltë të lejeve të ndërtimit. Qeveria shqiptare i ka hedhur hapat e saj në mënyrë maksimale, i kemi ezauruar me shpejtësi maksimale të miratimit. Për ne, kjo marrëveshje është e mbyllur. Nga ana tjetër, pala greke akoma nuk e ka nisur miratimin e saj për së brendshmi, por do duhet që kjo të miratohet nga qeveria greke që më pas të dyja palët të njoftojnë njëra- tjetrën për fillimin e efekteve të kësaj marrëveshjeje. Nga Drejtoria e Transportit janë rreth 183 mijë leje drejtimi ndërkombëtare, që kryesisht përdoren nga shtetasit shqiptarë për në Greqi dhe Itali, pa përmendur këtu kostot në lidhje me autoshkollën që duhet për t'u pajisur me një leje qëndrimi në dy vendet ku ju jetoni", tha Bushati.