Ryshfet bizneseve, pranga tre tatimorëve nga Tirana
Për punonjësit e Drejtorisë së Përgjithshme pati denoncime
Tre punonjës të Hetimit Tatimor pranë Drejtorisë së Përgjithshme të Tatimeve në Tiranë janë arrestuar dje në Korçë, pasi janë të dyshuar se, duke shpërdoruar detyrën, iu merrnin para subjekteve të ndryshme tregtare në këmbim që të mos iu vendosnin masa administrative.
Policia e Korçës kishte marrë informacion nga biznese të dëmtuara dhe të gjobitura nga punonjësit e tatimeve të ardhur nga Drejtoria e Përgjithshme, ndaj edhe kanë nisur hetimet. Pasi kanë mundur të dokumentojnë pretendimet e bizneseve, blutë organizuan operacionin e koduar "Pritja" dhe arrestuan tre tatimorët. Sipas Policisë, të arrestuarit janë shtetasit Maluen Hoxha, Alban Kapo dhe Idajet Vrapi. "Specialistët e Seksionit për Krimin Ekonomik - Financiar, në Drejtorinë Vendore të Policisë Korçë, në bashkëpunim me Prokurorinë pranë Gjykatës së Shkallës së Parë Korçë, kanë finalizuar operacionin e koduar "Pritja", si rezultat i të cilit u bë arrestimi në flagrancë i shtetasve: Maluen Hoxha, 30 vjeç, banues në Tiranë, Alban Kapo, 28 vjeç, banues në Durrës dhe Idajet Vrapi, 28 vjeç, banues në Durrës, të tre me detyrë punonjës të Hetimit Tatimor pranë Drejtorisë së Përgjithshme të Tatimeve Tiranë", thuhej në njoftimin e dhënë dje nga Policia e Korçës. Sipas të dhënave, këta punonjës në bashkëpunim me njëri- tjetrin, dyshohet se kanë shpërdoruar detyrën, pasi kundrejt një shume prej 30.000 lekësh, kanë favorizuar një subjekt tregtar në qytetin e Korçës, duke i shmangur masën administrative. Sipas njoftimit, materialet në ngarkim të tre tatimorëve i kaluan Prokurorisë të Rrethit Gjyqësor Korçë për veprat penale bazuar në nenet 248/ 25 dhe 259/ 25 të Kodit Penal. Burime nga grupi i hetimit bënë të ditur se tre punonjësit e tatimeve nga Drejtoria e Përgjithshme në Tiranë kanë ardhur edhe më parë në Korçë për kontrolle të subjekteve. Zakonisht, punonjësit nga Drejtoria e Përgjithshme shkojnë për kontrolle të befasishme në subjekte të ndryshme, duke iu kërkuar atyre të dhëna e do- kumente të plota që tregojnë se nuk po kryejnë evazion dhe fshehje të të ardhurave. Ata kontrollojnë bilance e fatura dhe në rastet kur konstatojnë shkelje, mund të vendosin masa të rrepta administrative. Pikërisht për të shmangur masa të tilla, ata iu kërkojnë ryshfet bizneseve. E njëjta skemë dyshohet të jetë përdorur edhe nga ana e tre tatimorëve të ardhur nga Ti- rana. Burime të Policisë bënë të ditur se ata gjobisnin subjektet edhe për shuma 10 mijë lekë, në këmbim që të mos iu vendosnin masën administrative, e cila do të ishte disa herë më e lartë. Përballë një
Policia e Korçës kishte marrë informacion nga biznese të dëmtuara dhe të gjobitura nga punonjësit e tatimeve të ardhur nga Drejtoria e Përgjithshme, ndaj edhe kanë nisur hetimet. Pasi kanë mundur të dokumentojnë pretendimet e bizneseve, blutë organizuan operacionin e koduar "Pritja" dhe arrestuan tre tatimorët
zgjedhjeje të tillë, subjektet kanë qenë të detyruara të japin ryshfet në shumat e kërkuara, në mënyrë që të mos paguajnë gjobat e majme që do t'u duhej t'i derdhnin në arkën e shtetit.