Kontrabanda, në pranga baxhanaku i deputetit të PS
KORÇE - Dy ditë pas bllokimit të një kamioni me goma të përdorura, që kaloi doganën e Qafë- Thanës duke shmangur detyrimet doganore, ish- Kryeministri Sali Berisha ka denoncuar se organizatorët kanë lidhje me deputetin e Partisë Socialiste për Qarkun e Korçës, Ilir Xhangolli. Në prangat e Policisë ranë 5 punonjës të Doganës dhe 4 persona të tjerë që dyshohet se janë pjesë e mekanizmit të kalimit të mallrave kontrabandë. Sipas një mesazhi të publikuar nga Berisha, Stefan Hila, 50 vjeç, banues në Pogradec, me detyrë përgjegjës turni në Doganën e Qafë- Thanës dhe Edmond Kodra, 61 vjeç, banues në fshatin Sovjan, Korçë, poseduesi i gomave, janë përkatësisht kushëriri i parë i deputetit dhe baxha- naku i tij. Të dy këta persona janë të arrestuar. "Përshëndetje Doktor. Dua të denoncoj rastin e kontrabandës që ndodhi dje në Qafë- Thanë, ku u kapën 2100 goma. Para një viti më kanë arrestuar një të afërmin tim këta plehrat e rilindjes, vetëm se po kalonte goma për shtëpinë e vet. Ndërsa sot që bëhet gjithë ky korrupsion nga këta kontrabandorilindasit, askush nuk ka për t'u dënuar. Nuk dënohen doktor se pronari i gomave është kushëriri i parë i deputetit famëkeq, z. Ilir Xhangolli, ndërsa kryedoganieri, përgjegjësi i turnit, është baxhanaku i famëkeqit Ilir xhangolli. Ky deputet e ka zaptuar Pogradecin në çdo cep, institucionet i ka ky, prokurorin Sotir Kllapi e ka prapë ky, kryebandit që e përdor për të ndihmuar kriminelët se po afrojnë zgjedhjet lokale. Ju lutem z. Berisha publikojeni që të tremben sadopak dhe t'i lënë në burg këta kontrabandistë, që ngelën duke mbushur çantat e këtij plerodeputeti", përfundon mesazhi i pub- likuar nga Berisha, të cilit ia ka dërguar një qytetar. Rasti i kalimit kontrabandë të gomave u zbulua nga një kontroll policor, ndërsa po shkarkohej malli nga kamioni për t'u sistemuar në një magazinë në fshatin Sovjan. Ak- sioni është realizuar pas disa muajsh hetime, ku SHÇBA dhe Policia e Korçës kishin sinjalizime për veprimtarinë e paligjshme, ndërsa kanë ndërhyrë në momentin e flagrancës duke dokumentuar kështu rastin.