Serbia kërcënon me Ushtri, po u formua Ushtria e Kosovës
“Taksa”, Brnabiç akuzon Ramën për lojë të papërgjegjshme politike
Kryeministrja serbe ka kërcënuar me ndërhyrje ushtarake nga ana e Serbisë në Kosovë, në rast se formohet Ushtria e Kosovës, siç është paralajmëruar për më 14 dhjetor.
Ana Brnabiç tha të mërkurën: “Shpresoj se nuk do të duhet kurrë të përdorim ushtrinë tonë, por për momentin është një nga opsionet në tryezë, sepse nuk mund të shikojmë një spastrim të ri etnik ( të serbëve) dhe stuhive të reja ( referencë ndaj Operacionit Stuhia në Kroaci), edhe pse Kryeministri i Shqipërisë, Edi Rama po bën thirrje për këtë”, u tha ajo gazetarëve. Brnabiç shtoi se do t’u kërkojë të gjithë liderëve europianë se çfarë do të bënin nëse do të ishin në vendin e saj. Ajo përsëriti se prioriteti i qeverisë së saj është edukimi dhe digjitalizimi. Brnabiç i quajti një situatë skizofrenike rrethanat aktuale kur sipas saj, “dikush, në kundërshtim me çdo gjë normale, të gjitha marrëveshjet, madje edhe veprimet e tyre, të krijojë një ushtri dhe më 15 dhjetor të shkojë në nënshtrojnë njerëzit vetëm për shkak se janë serbë”. Duke kërcënuar me fuqinë ushtarake, Brnabiç tha se që nga koha kur Aleksandar Vuçiç u bë Kryeministër, Serbia ka investuar dhe po investon në ngritjen e kapaciteteve të saj mbrojtëse, sepse ato ishin shkatërruar. Sipas saj, kjo do të vlejë edhe për të pasur një zë më të dëgjueshëm në vendimmarrje. “Kur dikush e di se keni një ushtri të fortë, është i detyruar të ulet dhe të bisedoje me ju”, theksoi Brnabiç. Ajo nuk pranoi të komentojë mbi raportet e mediave, se amerikanët po dërgojnë armë në Kosovë ( nëpërmjet Shqipërisë), duke theksuar se kjo është një çështje serioze dhe se ajo shpreson që SHBA të dijë se çfarë është Sekretari i Përgjithshëm i NATO- s, Jens Stoltenberg, tha se nisma e Republikës së Kosovës për formimin e Ushtrisë po bëhet në një kohë të papërshtatshme dhe është në kundërshtim me rekomandimet e shumicës së vendeve, të cilat janë pjesë e NATO- s. Sipas tij: “Kjo mund të ketë pasoja serioze për integrimin e ardhshëm të Kosovës në proceset euroatlantike”. Këto deklarata, Stoltenberg i bëri në fund të takimit të ministrave të Jashtëm të vendeve anëtare të NATOs, ku është diskutuar për gjendjen në Ballkanin Perëndimor. e mirë për partnerët e tyre në Prishtinë. AKUZAT NDAJ EDI
RAMËS Kryeministrja serbe nuk po përtyp dot faktin se edhe Kryeministri i Shqipërisë ka qëndruar në krah të Kosovës për taksën 100 për qind mbi produktet serbe. Sipas Brnabiç, qëllimi i vetëm i deklaratave të fundit të Edi Ramës është përfitimi politik, duke fajë- suar Serbinë për të gjitha vendimet e paarsyeshme të bëra në Prishtinë. Rama deklaroi në Kroaci se Serbia “kishte shkelur e para marrëveshjen CEFTA”. Pas kësaj, Brnabiç tha se ajo mendonte se Rama ishte përgjegjës, por se kishte qenë gabim. “Unë mendoj se puna e një qeverie, nëse është e përgjegjshme, siç mendoja se ishte Edi Rama, është të merret me gjëra konkrete dhe të vërteta që do të kontribuojnë në cilësinë e jetës së qytetarëve në të ardhmen”, tha Kryeministrja serbe. Ajo shtoi se i duket e pabesueshme që Edi Rama “shkoi një hap më tej për të thënë se Prishtina ishte ankuar për shkeljen e Serbisë, por nuk mori asnjë reagim nga ana tjetër”. “Nëse Prishtina u ankua, ju lutemi na tregoni këtë ankesë. Kjo është ose e zezë, ose e bardhë, nuk ka zonë gri”, theksoi Brnabiç, duke theksuar se marrëveshja CEFTA është e qartë dhe se ka një proces zyrtar ankese. Brnabiç tha se Serbia është ankuar zyrtarisht më 27 nëntor në Sekretariatin e CEFTA- s për taksën e Kosovës. Ajo shtoi se nëse del se nuk ka prova se edhe Prishtina është ankuar ( më parë), atëherë Edi Rama është munduar të mashtrojë publikisht rajonin dhe BE- së.