Vetingunëpolitikë,“Venecia”: Propozimet e PD në pikëpyetje, tazgjidhëKuvendimekonsensus
“Problem, çështja e kontakteve të politikës me krimin, por propozimi i PD mund të çojë në keqpërdorimin e pushtetit”
Komisioni i Venecias, në opinionin paraprak mbi propozimin e Partisë Demokratike për vetingun në politikë, ka shprehur se shqetësimi i opozitës është real.
Në opinionin e depozituar në tavolinën e Gramoz Ruçit ngrihet shqetësimi i lidhjes së politikanëve të nivelit të lartë me elementë kriminalë. “Çështja e kontakteve të ngushta të anëtarëve të Parlamentit, Këshillit Bashkiak ose zyrtarët qeveritarë, me krimin e organizuar, janë një problem në Shqipëri. Siç tregojnë edhe rezultatet e para të procedurës së vetingut të gjyqësorit, ndërlidhja e institucioneve shtetërore dhe krimi i organizuar duket të jetë shumë i lartë. Kjo pengon besimin në institucionet e shtetit dhe delegjitimon funksionimin e tyre. Nëse krimi i organizuar është duke qeverisur institucionet shtetërore ose të paktën ka një ndikim në punën e tyre, parimet e shtetit ligjor nuk mund të zbatohen në praktikë. Në një shtet të qeverisur ose të ndikuar nga krimi i organizuar, parimet e dinjitetit, barazisë apo ligjshmërisë, janë lënë mënjanë”, theksohet në opinion. QËNDRIMI
Në opinionin paraprak, Komisioni i Venecias shprehet se projektligji i depozituar nga PD shkel disa nene të Konventës Europiane për të Drejtat e Njeriut si edhe mundësitë që lihen për të abuzuar me këtë ligj. “Nuk është e qartë se kush do të kryejë verifikimin e zyrtarëve publikë dhe kandidatëve zgjedhorë dhe nëse kjo do të bëhet nga një organ gjyqësor ose një organ tjetër i pavarur. Përveç kësaj, nuk janë propozuar masa mbrojtëse për të shmangur rrezikun që mund të përdoret në një mënyrë të politizuar ose në mënyrë arbitrare. Në zbatimin e tij, projektligji nuk është në përputhje me nenin 3 të Protokollit të Parë të GJENJ- së dhe Kodin e Praktikës së Mirë në Çështjet Zgjedhore. Siç duket, propozimi, në të vërtetë, mund të çojë në më shumë shembuj të keqpërdorimit të pushtetit. Për sa kohë që verifikimi ka për qëllim të zbatohet te zyrtarët e pazgjedhur, paqartësia rreth fushëveprimit të saj dhe skemës së zbatimit e vështirësojnë vëzhgimin e zbatimit të të drejtave të nenit 6 të GJENJ- it nga projektamendamentet kushtetuese nëse miratohen në këtë formulim”, shprehet në dokument Komisioni i Venecias. Projektligji i hartuar nga demokratët ka edhe disa objeksione të tjera nga Komisio- ni i Venecias. Ndërkombëtarët shprehin mendimin se në Shqipëri nuk është e nevojshme të bëhen ndryshime kushtetuese, por mund të bëhet amendim i ligjit të dekriminalizimit. “Këto paqartësi gjithashtu e bëjnë të pamundur që Komisioni i Venecias të gjykojë nëse propozimi mund të konsiderohet një përgjigje proporcionale ndaj asaj që padyshim është një problem real në Shqipëri. Për më tepër, duke pasur parasysh dispozitat ekzistuese të neneve 6/ 1, 45 ( 3) dhe 179/ a të Kushtetutës shqiptare dhe legjislacionit përkatës zbatues, në veçanti Ligjin e Dekriminalizimit, si dhe mekanizmave të tjerë demokratikë në dispozicion, vlera e amendamenteve të propozuara kushtetuese mund të vihet në pikëpyetje”, thuhet në opinion. Komisioni i Venecias nuk jep një qëndrim përfundimtar përsa i përket propozimit të Partisë Demokratike për vetingun në politikë. Në opinionin paraprak të depozituar në Kuvend theksohet se hapat e mëtejshëm duhet t’i ndërmarrë Parlamenti, duke nënvizuar domosdoshmërinë e konsensusit politik për këto ndryshime që janë propozuar. “Është për Parlamentin shqiptar të vendosë mbi hapat e ardhshëm lidhur me ndryshimet e propozuara kushtetuese, nëpërmjet dialogut konstruktiv midis të gjitha forcave politike dhe shoqërisë në përgjithësi, në interes të demokracisë shqiptare”, theksohet në opinion.