Pedagogia shqiptare e Oksford, leksion te “Luarasi”

“Studentët të aspirojnë për të drejtën. S'ka kuptim të studiosh për t'u bërë avokat a jurist nëse dijet s'i shërbejnë shtetit të së dr ejtës”

Panorama (Albania) - - FAQE 1 -

Një ndër avokatet më të njohura shqiptare në botë, njëherësh studiuese dhe pedagoge në Universitetin e Oksfordit, Rudina Jasini mbajti dje një leksion të hapur me studentët e së drejtës në Universitetin "Luarasi" për parimet e drejtësisë.

Duke folur para të rinjve që në të ardhmen e afërt do të jenë juristë, avokatë, prokurorë a gjyqtarë, ajo tha të mos mjaftohen me kaq, por të luftojnë për idealet e tyre. "Për të studiuar drejtësi, së pari kërkohet aspiratë për të ndryshuar diçka në shoqëri, për të avancuar dhe përmirësuar sistemin e drejtësisë. Do të inkurajoja studentët shqiptarë të aspirojnë për të drejtën. Nuk ka kuptim në qoftë se studion drejtësi me qëllim për t'u bërë avokat apo jurist i ardhshëm. Ajo që është e rëndësishme është të dish sesi ta vësh në punë dijen tënde për të avancuar shtetin e së drejtës". Rudina Jasini është një emër referent për shumë çështje penale të së drejtës ndërkombëtare dhe në Shqipëri. Ajo ka qenë pjesë e grupit të avokatëve në mbrojte të Kryeministrit Ramush Haradinaj në Gjykatën Ndërkombëtare në Hagë. Gjatë qëndrimit të saj për më shumë se një orë bashkëbisedim me studentët e "Luarasit", lektorja në metropolet e botës rrëfen im- presionet në përballjen e parë me një auditor shqiptar. "Kam pasur mundësi të mbaj ligjërata në universitete të ndryshme të botës. Ishte një kënaqësi shumë e veçantë për mua të mbaja leksionin e parë të hapur në Shqipëri para studentëve. Mendoj se kuriozitet, interesi, por edhe dëshira dhe motivimi që këta studentë kanë për të avancuar në fushën e dijes, është ajo që më ka bërë përshtypje sot". Kontributi i studiueses Jasini në fushën e jurisprudencës ndërkombëtare është i jashtëzakonshëm dhe mbresëlënës. Por a është e gatshme ajo të japë ekspertizën e saj të vyer në fushën e së drejtës penale apo kushtetuese në Shqipëri? "Nuk kam marrë asnjë ofertë. Mbase kjo vjen për faktin që sistemi i lidershipit shqiptar është i plotësuar.... nuk e di. Por oferta ime qëndron. Nëse unë do të kisha mundësi të jepja kontributin tim, do ta bëja me dëshirë". Gjatë leksionit, Rudina Jasini ia dedikon gërshetimit të pasionit për të drejtën me vullnetin e fortë, si dhe falë një etike strikte pune. Jasini është avokate dhe studiuese e së drejtës ndërkombëtare penale dhe e të drejtave të njeriut. Aktualisht, ajo është pedagoge dhe studiuese pranë Fakultetit të Drejtësisë në Universitetin e Oksfordit dhe është e angazhuar në drejtimin e një projekti të këshillit ekonomik social të Mbretërisë së Bashkuar "Impakti i pjesëmarrjes së viktimave në Gjykatën Ndërkombëtare Penale; zhvillimi i platformave për bashkëpunim", në bashkëpunim me Zyrën e Përfaqësimit të Ligjit të Viktimave dhe Dhomën e Avokatisë pranë Gjykatës ndërkombëtare Penale.

Për të studiuar drejtësi, së pari kërkohet aspiratë për të ndryshuar diçka në shoqëri, për të avancuar dhe përmirësuar sistemin e drejtësisë. Do të inkurajoja studentët shqiptarë të aspirojnë për të drejtën. Nuk ka kuptim në qoftë se studion drejtësi me qëllim për t'u bërë avokat apo jurist i ardhshëm. Ajo që është e rëndësishme është të dish sesi ta vësh në punë dijen tënde për të avancuar shtetin e së drejtës

Dje, gjatë leksionit të hapur me profesoren e Oksfordit

Rudina Jasini, pedagoge dhe studiuese në Oksford

Newspapers in Albanian

Newspapers from Albania

© PressReader. All rights reserved.