“Studentët shprehin revoltën e 30 viteve”
Në mbështetje të studentëve është bashkuar edhe ish- zëvendësministri i Arsimit, Taulant Muka. Ai ka lënë Universitetin e Bernit, ku kishte vetëm pak ditë që kishte arritur për të qenë pranë të rinjve, të cilët kanë një pjesë të kërkesave që edhe Muka i ka konstatuar në qëndrimin e tij të shkurtër në dikasterin e arsimit. Për të, kjo revoltë disaditore është akumulim i një zemërate disavjeçare. “Për herë të parë në historinë e Shqipërisë në 30 vite, këshillat studentorë janë bërë bashkë. Po kërkojnë atë që studenti nuk e ka kërkuar në 30 vite, një universitet me cilësi, që i krijon një mjedis që i ushqen potencialet që ata kanë. Është detyra e shtetit që t’u krijojë kushtet që të zhvillohen”. Muka i qëndron mendimit të tij për rishikim të titujve akademikë të pedagogëve, që sipas tij nuk japin dot dije, pasi kanë jo vetëm tituj falsë, por dhe diploma të blera.