Skandali me Unazën e Re, reagon kompania amerikane

Pas akuzave për falsifikim dokumentesh në tenderin për Lotin nr. 1 të Unazës së Re në Tiranë, ka reaguar edhe vetë kompania “Dunwell Haberman LLC” me qendër në Delauer të SHBA- ve. Kompania thotë se është në përputhje të plotë me rregullat dhe procedurat ligjore dhe administrative vendore dhe ndërkombëtare. Kujtojmë se dokumentet e falsifikuara të “DH Albania” dolën për herë të parë në dritë në emisionin “Të Paekspozuarit” në televizionin “News 24”. “Dunwell Haberman LLC është në përputhje të plotë me rregullat dhe procedurat ligjore dhe administrative vendore dhe ndërkombëtare. Këshilltarët tanë të brendshëm dhe të jashtëm po monitorojnë nga afër zhvillimet në Tiranë dhe janë të gatshëm të ndërmarrin veprimet e duhura nëse kërkohet”, shkruan në reagim kompania me seli në Amerikë.